- طفولتنا
- حملت لنا من المواقف الشئ الكثير والذكريات يمكن فرح ويمكن حزن
- ولكن ذكرياتنا هي من اجمل المواقف .....***.....
- كل عضو او عضوة يدخل يسجل ايام طفولته ويسترجع ذكرياته لنا !!
- وماالمواقف التي تعرض لها سواء محرجة او مضحكة او محزنة؟؟!!
- نبي تفاعل كبير
- وكل عضو يدخل يختار بعده عضووو اخر !!!!!!!
- *********************************
.
خنقتني العبره الله يسامحج
أيام الطفوله من أجمل المراحل ضحك - مرح - بساطه - عفويه
كان كل همنا ننام بدري عشان المدرسه عقب نفكر وين نروح ونقضي وقتنا
كانت تجمعنا الرسوم المتحركه وقطعة حلوى
من المواقف المحزنه وقتها اذكر لما انتقلنا من منطقه لمنطقه آخرى
تغيرت الظروف والجيران الي كنا نقضي معاهم اكثر مما نقضيه مع اهلنا خصوصاً أنا
اممم كنت وقتها الكبيره عنيده ودلوعه
اذكر من المواقف كنت عند الجيران وكانوا بيطلعون مشوار
هم ذوق وانا ناشبه لهم
قالوا بنطلع لناس قرايبهم قلت معكم < قاطه
قالوا شلون ومالون اهلج وماعرف شنو قلت ماعلي اول من ركب انا بسياره قالوا اوك بس روحي خبري اهلج قلت ماني تمشون وتخلوني
الله يذكرهم بالخير قال ابوهم لا ابدن بس روحي
من خوفي يروحون طلعت مع الباب ورجعت يعني ما مداني اروح واخبر الاهل
رجعت قلت خبرتهم طلعنا و رجعت معاهم ع الفجر كان خميس وقتها وزواره يعني فري
رجعت البيت اخذت طراقات محترمه من الوالده الله يحفظها تالي حرمت اطب بيتهم
الله أيام حلووه سقى الله عليها
ليتنا ما كبرنا بس
شكراً إيثار لإسترجاع أجمل المراحل
أختار لولي
سُررتُ في العمرِ مرّةْ وكنت أنت المَسرَّهْ
تذكر ايام النذاله مع خوياه
الطفوله شي عظيم بالحياه ...طفوله البراءه طفوله تصنع الرجال
رجعتينا الى خمس وعشرين سنه للخلف
طبعا لا يختلف ان لكل طفل مراحل في حياته عاشها من فرح وحزن
اتذكر اصدقائي منهم من رح من هذه الدنيا غفر الله له ومنهم من فرقت بيننا الدنيا من اختلاف الوظايف بالمناطق الاخرى
لكن بعضهم مازلنا مستمرين معهم
ايام القراده والهوشات هي اغلب طفولتي والحين عقلنا
مره من المرات ذكرن اخوي الشبث في موضوعه الاختراع بالفله ...كنت جالس بغرفتي يعنني عندي غرفه الله يعين امهاتنا ورانا ينظمن ويغسلن يملا الجنه
كان عندنا تلفزيون احيانا يطلع قنوات واحيانا يكتم
خذيتوه للغرفه كنت ناوي اصلحه وانا من جنبه انذاك واقوم احوس الاسلات واربطهم مع بعظهن المهم حستوه حوس
واركب الفيش بخط 220 نسيت انه 110 يوم شغلته وهو يقبس لمار انا تسرعاني فوق وراسي تحت ودماني لين ركبي
واقوم ابتسي واصيح ابتسي واصيح ولحد جاني
على دخلت ابوي وهو يفزع الله يحفظه ويحفظ والديكم وهو يشوفن شوفه الشر والشرير وهو يغولن وقال وليه ماتطيع الحتسي يملا المرض انت وشدوقك
تسنهن شده فجل
وهو يمردغن لين عفت الحياه قلت يبوه تكفى اتركن ......بهم رحمه رغم التكفيخ لنا يوم اننا صغار
ومره فزعت يعله ماعادت الفزعه ..
قمت انفخ على واحد خال مردغ واحد قدامي المهم انحاش اللي فزعتلوه تخبرون لازم تطلع نفسك قوي ..
يالربع تسيف اني تمنيت اني ماانولدت يالربع فوق مامردغن ذبحتن ريحته تصدقون
اخرته اسلم عليه هههههههه
والطفوله كثيره بااحداثها
العفوو هند
فعلا ايام الطفولة ايام جميلة في حياة الانسان
ولاننسى حنينا لها
ياهلا بك هند نورتي
ابو ضاري
صح كلامك الطفوله متعددة الاحداث
الف شكر لك
الله عليك ايثار
رجعتينا ايام الطفوله والكسايف
لي نكسه ان شاء الله اذا احد اختارن
طِبْتَ حيّاً وميّتاً ياآ أبتاهـ
ايييييييه يا ايام الطفوله
<< منزل راسه
ايام الطفوله كله مشاكل وقرف ومصايب
اذكر مره اعطاني ابوي ريال
وانا اروح للبقاله ابي اشتري
وادور
وادور
وادور
مدري وش اشتري
عاد قلت ما يبيلها
وانا اشتري علوك
الريال فيه اربعه
والاول
والثاني
والثالث
والرابع
صار افمي كله علك
تقل علك خبله
واقوم اتمطق
ويوم جاء الليل وقربت النومه
تحسبوني نزلت العلك
لااااا
لاني خفت اخواني ياخذونه
نمت والعلك بأفمي
يوم قمت
ولا العلك طايح من افمي << تخبرون وراثه فينا اذا نام الواحد فتح حلقه
ولاصق بشعري
تعااال عاد دبر
وتجي امي وتجيب المقص
وتنتف الجزء الخلفي كله
تحسبون اهلي ودوني لحلاق وضبطوا شكلي ولا على الاقل الوالده قصتوه كلوه
لاااا
ولا كأن شي صار
قمت اتمشى عند العيال كأني بربري
نص فيه شعر ونص لا
وعااادي
ليما نبت الشعر
هذا موقف من الاف المواقف اللي حصلت
وتقلدوا تحيتي
game over
هلا راع الجمرية
تشكر لمرورك يشرفني وربي
الشبث
نبي تسرد لنا كيف كانت طفولتك مع المواقف
يلا من جديد ادخل وغرد نبي كل شي
امااا عاااد اغرد
ليه بلبل ؟
اذكر ابوي يقولي انت تقل نسر
بعدين شفيتس انتي مركزه على طفولتي السوداء خخخخخخخخخخ
ياستي
الطفوله شي طيب وجميل
يكفي اننا نقول ان الطفل لا يحمل اي هموم
ممكن اكبر همومه لعبته
فهذا كان وضعي
كنت طالع بالشوارع خمسه وعشرين ساعه باليوم
وكان فيه نقطة تحول جذريه بحياتي
وهي دخولي للمدرسه
اوووف على هذاك اليوم
قسم بالله ما نسيته
كان فيه اخوي الكبير يدرس
وسجلني ابوي بالمدرسه
واول يوم راح معي
يوم وصلنا للباب شفت منظر غريب
اطفااال بالهبل
استغربت
ابوي تغافلني وهرب طلع من المدرسه
يعني كذا بدون اي تفاهم واي تصريفه
تركني اواجه مصيري المحتوووم ههههههههه
انا التفت وراي ولا مافيه لا ابوي ولا شي
وانا اصيح
وااااااااااااااااااااااااااااااااااااااا اااااااااااااااع
واصج المدرسه كله
كنت اتخيل ان ابوي باعني لهم خخخخخخخخخخخخ
واللي زود الطين بله كان فيه طفل
بس مهو طفل
اسمراااني
الا اسوداااني
ودب
واقف قدامي ويراعيلي بكل براءه << مع ان مافيه ذرة براءه
انا شفتوه وانا انصرع من الخوف
احسبوه اللي ياكل الوغدان خخخخخخخخخخ
واشوى
كان فيه واحد من الجماعه ( الله يرحمه ) ويهديني ويعطيني فلوووس يبيني بس اسكت
<< شكله يقول سود وجيه الجماعه هالشبث هههههههههه
واول سنه بالملعنه نجحت
والسنه الثانيه سقطت هههههههههههه
كنت مهمل ولا احب الدراسه
وكل يوم المدرس يجلدني
عاد خلقه مهو هاضم شكلي فأنواع الجلد
وتغير مساري الدراسي بعد ما سقطت بثاني ابتدائي
لاني انقهرت من تعامل اللي حولي معي
البزران كلهم ناجحين الا انا
كلهم عندهم هدايا الا انا
حتى ابوي
قالي ودي اشري لك سيكل بس ما تستاهل ههههههههه
طقها بوجهي صريحه ههههههههههه
السنه الثانيه جبت الاول
ومن بعدها وانا دافور ههههههههه
بس التصرفات الخارجيه برا المدرسه ما تركتها
كل يوم جايب لاهلي مشكله
خصوصا طلعات الظهر هذي
اذكر مره كنت العب الظهر حوالي الساعه 1 الظهر
يعني بعز الحر
العب مع واحد من عيال جيراننا
كنت غاااافل
ويا غافل لك الله
الولد كان يبي يروح لاهله
فقال لنفسه ليش ما اشوت الشبث وهو غافل
هههههههههههه
وهو يشوتني شوته
حسيت ارحامي ارتفعن خخخخخخخخخخخخ
وانا اعصب
والحقه
ويهرب الحقير
ويدخل ببيت اهله
وادخل وراااه امشي الفين
كانت اموه شايله صحن الغداء رايحه للمطبخ
مر ولدها من عندها يمشي مليون
ويوم مريت من عنده انا وتصفقني بالصحن ههههههههههههه ( الله يذكرها بالخير )
وتجيني ام العبيد
وادخل مطبخهم
واخذ السكاكين
وهجووووووووووووم على اهل البيت كلهم
امهم والولد واخوانهم واخواتهم واقفين قدام الباب ويرجموني بالنعووول
وانا بالسكاكين والملاعق
شوي ويجي ابوهم
قال خلوووووووووووووه
ويدخل علي
وانوااااع التمحط بالعقال ههههههههههههه
الله يذكرهم جميع بالخير
واستمريت على هالحاله
حتى يوم كبرت ما خليت من الشطانه هههههههههههههه
بس
ابوي علمني شي واحد ولليوم ما تركته
احترم اللي اكبر مني مهما كانت قبيلته او جنسيته او شكله او دينه ولا احط عيني بعينه
فالله يعفو عن غلطاتنا بجهلنا وبدونه
والله يذكر جميع من اخطيت عليه بالخير ايام الشطانه << يعني هالحين ما تخطي يالعتوي
هذي بشكل مختصر اختي ايثار
ونترك الباقين يورونا شطانتهم هههههههههه
وتقلدي تحيتي
game over
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات