ماهي الروائح التي تحبونها ,,,,؟؟؟ فكرة حلوة تعالوا سوى ,,,؟؟؟؟

**wo0oman** · 07-09-2002 01:35

كلنا نحب ريحة العطور

طبعاً تختلف الأذواق من شخص لأخر

لكن المهم أن الجميع يحب العطور لأنها جميلة و منعشة

نفس الشيء بالنسبة للأكل

فمعظم الناس يحبون ريحة الأكل

و طبعاً تختلف الأذواق

*********

بالنسبة لي فيه عطور أحبها لأنها تحسسني بالدفئ

و بعضها لأنها تخليني أنتعش

و بعضها لأنها تذكرني بمكان معين أو مناسبة معينة أو بشخص معين

********

لكن موضوعي اليوم عن أشياء في حياتنا لها روائح مميزة .. و نحبها .. طبعاً غير العطور و الأكل

********

أحب ريحة الحـــــــــرم ... تنعش قلبي و تطمنه .. يالله الجنة
**
أحب ريحة ورد وفل ونعناع المدينة يا سلااااااااام
**
أحب ريحة الطين بعد المطر
**
أحب ريحة الأطفال وخصوصا المواليد
**
أمووووووووووت في ريحة البنزينكل ما نوقف عند محطة بنزين أفك الطاقة وأطلع نصي برا وأششششممممممم ريحة البنزين آآآآه تريحني <----مدمنة بشهادة
**
أحب ريحة الفحم(أتذكر الشوي)
**
اعشق ريحة البحر ..
ونسماته المنعشه ..
الي احس ( وانا استشقها ) ..
بالحنين ..
بالشوق ..
لكل ذكرى موجعة ..
محزنة ..
**
احب بعض العطور القديمه ..
الي كنت اضعها بفتره من الفترات ..
لانها تذكرني بمراحل مختلفه من عمري
على فترات متابعده
**
أحب ريحة الشموع المعطرة بروائح الفواكه وأزهار الياسمين ..
**
أحب ريحة عطر غلاموروس من رالف لورين
**

وأخيـــــــــرا.......

أحـــــــب ريحـــــــة أيدين أغلى إنسان بحياتي ..

*
هذا كل مالدي
وانتم أيش الروائح اللي تعجبكم!!!

*

**شموخ** · 07-09-2002 03:17

"في فصل الصيف "

1_ احب ريحة العطر وامووووووووت في ريحة العود الازرق ينعش القلب

2_ احب ريحة الورد وهو توه مقطوف من الحديقه

3_احب ريحة المطر والثرى وخصوصا اذا كنت برحله بريه لها طعم بالبر ماهو مثل المدينه

"في فصل الشتاء "

بلاضافه الى ماسبق احب
1_احب ريحة النار وخصوصا حطب السمر

2_احب ريحة القهوه وهي تطبخ على الحطب لان لها طعم خاص احلى

بكثير وجربوها وتشوفون .

وبالفعل مثل ماقلت احب ريحه ايدين اغلى انسان انا بعد

3_ اموووووت في ريحة جدتي سلطانه لانها تذكرني بجدي محمد وبالتاريخ والاصاله

والماضي وبالفعل هذا اللي نشاهده في وجيهه كبار السن نشوف التاريخ مرسوم في ملامح وجيهم لجل كذا انا احب التاريخ وريحته .

شي والله لو بنعد وش نحب سرى الليل وحنا ماخلصنا

تقبلو تحياتي
شموخ

**الدكتور محمد الشمري** · 07-09-2002 21:46

احب كل ما هو جديد
احب كل ما يذكرني بهديه استقبلتها
احب كل ما يذكرني بهديه اعطيتها

احب النفس الطيب
احب البخور

احب العطر الخفيف البارد

لا يوجد معايير دقيقه أو مقاييس محدده للعطر..

والعطر يجذب واحب اري مدى تاثر اللى بجانبي ..

تحية من القلب

**وميض** · 09-09-2002 15:24

أووووف ..
ما شاء الله .. ماخليتوا لي شي ..

طيب ..

* أحب ريحة المطر إذا نزل على الأرض العطشانة .

* أحب ريحة الفقع ..

* أحب ريحة البر وقت الربيع وهو معطر بريحة الأعشاب والزهور البرية وخصوصاً إذا المكان فيه نفل وخزامى ...

* أحب ريحة القهوة اللي توها محموسة ومطحونة ومطبوخة ..

* أحب ريحة ( غدفة أمي ) الله يرحمها ... اللـــــه ياريحة الجنة

* أحب ريحة العود الأصلي ( البخور ) مهو الدهن ..
وخصوصاً إذا تعطرت بعطر فرنسي راقي ثم تبخرت من هاالعود الممتاز .

* أحب ريحة غدانا إذا أنا جيعااانة :D

تسلمين يا الغالية ..
أختك وميض .