التوقيت ... تال الليل
الحالة ... داقته ثقل يعنني مشرفة
/
/
يا ربي مدري وشنوحي عقب استلامي لها الاشراف
جتن لي ضيقه لو هي جايتن له بعير ذبحته
عاد من حمد ربي مانا بعير ..اشوى انني ديناصور
على طاري الديناصورات ... احب اقدم احر التعازي لممثلين الوطن الشيباب والهيلال .. واحب اقول لهم وربي مصختونا هههههه
الوكاد ما علينا
طرت علي سالفه من هالسنين جرت لي
يوم انا وغيده .. كنت توي طالعتن من المدرسه ...
وجالسين نتغدا .. يوم خلصنا من الغدا
قال ابوي ارتسبوا .. نبي نروح للغنم
طبعا انا علي ملابس المدرسه ما غيرتهن
يا عمري يا ثوب المدرسه .. يا انني كديته كد
ما اجدعه الا يوم الاربعاء .. والا طول ايام لاسبوع وانا لابسته ليل ونهار
المهم .. وحنا نرتسب انا وثلاثه من العيال بالحوض
لاننا على ددسن وامي راتسبتن داخل
وحنا نشلع يم الغنم
وحنا بالطريق .. كان الطريق ردميه
وابوي شويبن سواقته الله اعلم به
و حنا اربعه و كلنا نبي نوقف .. ونتخانق على اللي يمسك الحديدة هذيتس اللي ناشبتن بالتنده
وكلنا متراصين ونتدافف
والله قردن وصرت على الجنب اللي من يم ابوي ..
والعيال ملعونين لا جت لفه او مطبه ... او شين
يلفون كلهم علي يعني اننا .. يبوني اقع
و انا متمسكتن بوه بذمه ..خامته اخبر حركاتهم
شوين واصير فوق التنده
وكل شوين ابوي مطلعن راسه ومخانقنا وماحطن بالسبحه
يوم وصلنا .. للغنم
يمار انا ملعونن خامس خامسي
وانا اجلس بالحوض مانزلت مع العيال ... طنيانه
واراعي يمار هكا الخنفسا اللي تمشي وانا اتبعه واتبعه واتبعه
وهي تندعس تحت له رضمه وانا اشيل الرضمه
يمار تقل فتحة غار >>>>>>متأثرتن بسالفة أبا اذان
وانا اعض شليلي وانا اتسفت وراه
وامشي وامشي يمار بوه كنوز ومجوهرات واشياء تلصف
وادخل والقى لي ابريدز ذهب (ابريدز السيف )
وانا امسكه وانا احكه
وهو يطلع لي المارد و يراعي ..قال بسم الله الرحمن الرحيم من هالوجه خرعتيني انتي اللي طلعتيني
قلت ايه
قال بدون نفس اخلصي وشتبن
قلت لوه ليه ما عمركم حطيتوا كاسات وتفل يساره وتعوذ من الشيطان
وقال انتي بشر نكديه ولا وش سالفتك اطلبي وانزلعي
قال والله يالمارد انا هلون وهلون وهلون وهلون
انا بنتن مسيكينه اخواني سووا بي وفعلوا بي وابلا ناهد مدري وش به و ولد جيراننا بس يضربن ومشوين يوم انا بالحوض صار كذا وكيت وكيت وكيت وانا احتسي لوه قصة حياتي
قال والمطلوب ..
قلت ابيك تخليني زي سندرلا كيوت وحلوة ودلوعه ومحد يخانقن
قال اقول ادزلبي وجهتس يا وجه العنز .. اصلا وجهتس ما يأهل ولا يحمس انتس تصيرين زي سندرلا
الكسافة هي اللي راكبتن عليتس ... اندزلعي لا والله ادزلبتس خنفسا
وهو يشووووتن يمار انا برا الغار
وانا اتحطم
وانا اروح للسيارة يمار هذولا اخواني صافين بالحوض ويبون يحركون
وابوي وامي ما فقدوني
و انا اروح لهم اركض ... واشوى مكنت عليهم وارتسب
وانا اقعد بزاوية الحوض حزينه
يوم وصلت البيت وانا انخمد وما قمت الا من باتسر
وانا اروح للمدرسة
وهي تجلدن المدرسة لاني ما حليت واجباتي ..
وانا ارجع للبيت وهو تقبس بي امي لاني نسيت لأشر الهدوم اللي هي موصيتن عليهن البارح
وانا اروح يم المروحه ... واعلق عليه حبل
وانا احط كرسي واركب عليه
و انا الف الحبل على رقبتي
و انا اطيح الكرسي وانا اطيح
وهي تقع المروحه على راسي وهي تفلقن
يوم راعيت يمار العالم دخلوا علي ... قلت اشوى بوه احد انخرع علي
الا امي معه العصا
وهي تخليه يلعب على ظهري
اللهابو هالوجه .. الله لا يقبلتس ولا يبعثتس مع المسلمين .. مروحتنا وشو لوه تخربينه
وهي تندبل تسبدي ... وانا اؤمن انني بثره ومحد يدانيني
وكبرت وكبرت بثارتي معي ... ومرت السنون ... و يومن اطى على صابره .. و يومن تاطى على صابري ..
رفعت القلسه ...
انتهى ....
/
اسمعوا احد يقول عني شي او عن موضوعي... مخالفه على طول
رفعوا بي ... و اسنعكم >>>ما هقوتي بوه سنعن من وراتس
تهياتي
رد مع اقتباس
المفضلات