هذه القصيدة مهداة الى الأمير عبدالله الحمود الفهد الرشيد_
عنوان القصيدة ( غيرك يقول الوعد يجهل معانيه_ الأ انت تفرجها وعودك بليله)
ياالله يارحمن يارب نرجيه
يامن عليه المرتجى والفضيله
بالأرض لك عباد والزرع تسقيه
واللي روى العطشان يلقى جزيله
وأنا أبتهل لله وأرجيه وأدعيه
يحفظ لنا ابن حمود راع الطويله
يوم انقطع حبل الأمل قمت أناديه
حتى لفاني صوت وصهيل خيله
يوم انقطع حبل الرجاء قال لبيه
تدرون وش سوى غداة اشتكيله
قلت له أنا مطلوب ثم قال أنا أوفيه
قلت له أنا مهموم قال ونزيله
قلت الحمل لامال جيت لك مركيه
قال الحمل ياخوي عنكم نشيله
ياراس فينا عاجز الشكر يجزيه
ياجود ماشافت عيوني مثيله
من كثر ماوده ومن كثر مااغليه
لاغبت أحس أيام عمري قليله
لو للأمل منيه عجل جاه ناصيه
عليك يابوفهد مافيك حيله
والعوز لا من حل بي قلت وشفيه
أكيد عبدالله ماهو بالقبيله
أطيح واقف دامني من حواليه
أحرجت يمنى كل رجل" بخيله
غيرك يقول الوعد يجهل معانيه
إلا أنت تفرجها وعودك بليله
والمدح والله شيخنا مايوفيه
وأبو فهد من وهو يوفي جميله
تدري وجودك بالبشر ويش يعنيه؟
إن المروة عايشه مو ذليله
شعر :
محبكم ""رافع بن حاضر الشمري
نشرت القصيدة بجريدة الرياض
السبت الموافق 16/ 10/ 2010
هذه القصيدة كما نشرت في جريدة الرياض
رد مع اقتباس
المشاركة الأصلية كتبت بواسطة صلفيق
المفضلات