شتات ... أبيات ... منصور ...

[منصور الغايب]

.
.
.
مساء الخير ياترف (ن) مساك يغار من صبحك = مساء الخير يابسمة يتيم(ن) شاف جدانه
مساء الخير ياللي فرحتي تختال من فرحك = مساء الخير يافرحة سجين(ن) مات سجانه

[منصور الغايب]

.
.
.

الحق علي يا أريش العين لا موت
...................................وإن ما تلاحقتن أبعلن وفاتي

شفني أداوي جرح الأيام بسكوت
....................................وأدفن همومي في قبر ذكرياتي

والموت ماهو فقدي لروحي .... الموت
..................................فقدي لشوفك يا أعز أمنياتي

.
.
.

منصور

[منصور الغايب]

.
.
.

سلام الله يالترف المدلع
................... تحية قلب في حبك مولع
يحبك حب ماحبوه قبله
................... عشاشيق الزمان اللي تقلع
يحبك ما قصد أيات حاجة
...................كذا إعجاب أو حب التطلع
يحبك حب من يومه صغير
...................إلى يومن كبر والراس صلّع
وهو ماله بطول الشعر زينه
...................سوى انه ساتر(ن) راس(ن) مفلّع
وسبب فلعات راسه من هواشه
................... مع أي طفل حوليك يتدلع
يحاول لفت أنظارك تجاهه
................... لانك شالعه قلبه تشلّع
بداها بالسلام وحب يختم
................... كلامه بحب من قلب مولع
.
.
.

منصور

[منصور الغايب]

.
.

مابين هم(ن) يقطع القلب ياسعود
................................. ومابين غيبة ناعس الطرف عنّي

شفني أحث خطاي والدرب مسدود
................................. ودموع عيني بالطريق فضحنّي

ومن قال بشّر ؟ قلتله سهود ومهود
................................. وما يدري إني بالعذاب متعنّي

لاني محصل شوفة عيونه السود
................................. ولاني مثل باقي الرجال متهنّي

.
.
.

[منصور الغايب]

تذكرتك ياسيد الغيد .. حزة ريحة التربة
.............................تفشت في المكان تبشرن بوصول أحبابي

غريب ولا معاي إلا خيالك يقطع الغربة
.............................يصبرني ... كأنه يقول بإنك واقف ببابي

بعيد(ن) موطني .. وإليا ضحكت يصير ياقربه
.............................أشوف بضحكتك فرحي .. وأنسى منك كل ما بي

ألا ياليت طير الحب .. ضم القلب في سربه
.............................ورماني في يدين اللي بكا من سبة غيابي

عشان اليا ظما قلبي .. خذا من شفته حُبّه
.............................وعشان اليا دمعت عيني .. مسح بيده على أهدابي

.
.
.

منصور ...

[منصور الغايب]

.
.
.

[GASIDA="type=1 width="100%" border="none" font="bold x-large Arial" bkimage="""]
حلم(ن) صغير ولا هقيت إنه يصير = سبحان منهو ياحمد حقق الحلم
ربك رحيم ويسر الأمر تيسير = ومن عقب ماهو حلم .. حسيت به علم
الله يقلع كل ملعون أبو الصير = اللي ملا قلبه بالاحقاد والظلم
ماهو يضره لو زرع في الصدر خير = ولا هو يضره لو نشر في الملا سلم
[/GASIDA]
.
.
.

منصور

[منصور الغايب]

أدري مقصر بس .. ماهو على الكيف

.................................... عن شوفتك دايم تحدن ظروفي

قلبي غدا حاتم وهمّي غدا ضيف

................................... ياالله طلبتك لا تكثر ضيوفي

جيت أعتذر كني على رقبتي السيف

................................ ومن زود حبك ضايعاتن حروفي

[منصور الغايب]

.
.
.

هنا رفع القلم .. وجفّ حبره ..


نقطة ..