(( يوم ليك ويوم عليك)) هيضت جروحي يا الشبث
السلام عليكم ورحمة الله وبركاتة
العام بس مهو مثل ها السنة كان الجو جميل وتملئة العصافير وتوي مفطر بيض عيون ودهنة مع كاست شاهي وزبدة
وانا البس نظارتي واشغل سيارتي وعيني على ساعتي
يمار انا متأخر وخر يا ولد وخر
المهم وانا امسك طريق خريص ولا مسكت خريص خلك حريص زحمة ونكبة وخنقة وحشر وضيق
انخنقت وانكبت وانحشرت وضاق صدري ابي اقولكم حاجة تصدقون ان طريق خريص سبب رئيسي في امراض الرئه والشرايننص امراض أهل الرياض وبا الاخص اللي لازم يمسكون الطريق هذا دايم بسبب ها الطريق
فيه ناس صار بهم اكتأب نفسي بسبب طريق خريص غير اللي صار فيه مرض السكر غير اللي صاربوه الضغط وغير اللي صار بوه على قولت ريال الفسحة القالون
انا قايلن لهم سووه دورين وخلونا نرتاح ونريحكم
المهم مهو هذا موضوعنا
جاء عاد المخرج اللي اطلع منه لدوامي وانا اروح يمين الا هكا السيارة ولاصق على اليسار وانا ما الله هداني وتجاوزتوه من يمين
وانا اكبس لوه واعلق على البوري واقول مفي نفسي متى الله يفكنا من ها الغشمان يمشي اربعين وماسك ها اليسار
وها السيارات طابور وراي وانا اغثوه شوي عشان يفهم ان تصرفه خطا وهو يفتح الخط وانا اتعداه ولا راعيتلوه وبعد ما تعديتوه مسكت المسار الايمن ومشيت في طر يقي
وانا طبعا كنت فاتح الدريشه شوي الا بوه شينن صفقن با الصابر وانا ادوخ ومدري وش السالفة
وانا اراعي لوجهي با المنظره الا مابوه شين بس خابر اني كنت وقته كاشخ ولابس شماغي وعقالي ومنسف هكا التنسيفة
وانا اتلفت الا شماغي وعقالي طايحات بسيت اللي جنبي
ابي استوعب اللي صار لي هلحين بوه شي ظربن بس وشو ومنهو يا الربع من قو الظربة والله دخت شوين
واراعي قدامي الا راعي السيارة اللي مشوين هو ومعو واحد جنوبوه ويطلع يدوه من السيارة ويلوح بها لي بحركة
((((((((((((( بي باي))))))))))))))))))))
والتلفت با السيارة
ابي اعرف بوشو ضربوني الا قارورة ماء صحة وجديدة يعني مليانة ماء وهو يوجعن حنتسي
وانا ادعس للموتر واقول بي باي هين يا ابو بي باي <<<< ليتن تاركهم
وانا اصدمهم صدم وانا اللي اعرض سيارتي بوجيههم تسني دورية حتى انا تعجبت من روحي
وانا انزل وهو يجيني اللي كان يسوق وانا اعطيه هكا البقس الشدافي با الشدفى يمار خشموه يغني لوه وانواع الدم
وانا اتهاوش مع الاول انتهز الفرصه في هذه الاثناء خويه الثاني وطغصن من ورى وهو يتحزم بطني تحزم وهو يلقطن هكا العظة اي
المشكلة انوه دب ومعفي
والسواق طاغسن مع رقبتي بس مابوه حيل الظاهر خشموه انكسر الا اكيد ههههههههههههههه بس عجزت افك روحي من ها المعفي اللي مثبتن
با الله تخيلو الموقف
وانا مالي بها الوضع غير الخرمشة وجلست اخرمش بوجة اللي قدامي يما اودعتوه خريطه والحمد لله اهل الخير فكونن من بين ايدينهم قبل لا يطروحني
اشوى ها العالم تجمعو علينا وحجزونا والا سويتهم لحم مفروم
بس والله يا الربع ان عضتوه لحد هلحين موسومه بظهري
رد مع اقتباس
اشوف فيكم يوم
المفضلات