مايصير ما يصير
لازم اطلب لكم عصير
كانه حظي حيل قصر
انتي نفنوفتس قصيرررررر
ياهووووووه << ياروحي يابو حناااان
في البدايه ابي اشكر كل من شد حيله بالفله وقام ينزل مواضيع بهالفتره هذي بالذات
خصوصاً اخوي سعود وراع الجمريه
وبعد لاهان ريالي يابعد مواطيي هالفره
خلاص عاد بلا خبال
ابي اعقل واقول لكم سالفتين مهو بس وحده
................................................................................ ............................................................
الاولى
مرتن من المرات كنت بدبي
حجزت العوده للرياض
ورحلتي الساعه 6 المغرب
وانا اروح للمطار الساعه 4 ونص
ومنغث
لا اعرف احد ولا اسولف مع احد
عاد انا من الحيوانات اللي ما تصبر عن الحتسي
شوي
واشوف هكا الرجال اللي اعرفوه
ويطلع طلال ال الشيخ
هذا طال عمركم للي ما يعرفوه كان رئيس لنادي الشباب وعضو بالاتحاد السعودي
المهم وانا اصف وراوه
واقوم اسولف معوه
وسوالف
ودق حنك
عاد اخوكم لقالوه واحدن ما يعرفوه
وانواااع الزلخ
مع هالسوالف انا نسيت نفسي
يوم وصل الرجال للموظف وهو يقصلوه البوردنق ويعطيه وهو مبتسم قالوه تفضل
قلت لو سمحت يا طلال ثواني بس ليما اخلص غدينا نصير بجنب بعض
وهو يطلع محترم وياقف ينتظرن
وانا امد جوازي واغراضي للموضف
وهو يراعيلهن
ويراعي لوجهي
قال يالحبيب لو سمحت رح للسياحيه
اثريني من اليوم صافن مع الرجال درجه اولى
واراعي لطلال ال الشيخ واصد
وهالحين كل برنامج يصير بوه انحاش عنوه اخاف يقول السالفه
الثانيه
بس هالسالفه خلوه بيننا
يالربع هكا اليوم جاني شغل ضروري لجده
وانا اسوي فيها اسكت
وافتح النت
وعلى موقع الخطوط السعوديه
واحجز الذهاب الساعه 8 صباح السبت
والعوده 12 ونص صباح السبت
يعني بنفس اليوم
واروح للمطار ابي اقص البوردنق
الساعه 11 بالليل
ويراعيلي الموظف ويتبسم
مع شوين تهوله
وانا اراعيلوه وابتسم مع شوين هز حجاج
ولا ادري وش السالفه
المهم من باتسر الصبح توجهت للمطار وطرت لجده
وخلصت الشغل والساعه 11 وانا بالمطار راجع
يوم جيت الموظف قالي ايش هااادا
من فين جايب رقم الرحله هادا
قلت والله مدري
قال ياخوي رقمك مو بالرحله دي
قلت اجل اي رحله
وهو يراعلي لوه مره ثانيه
قال ياخوي انتا حاجز على رحلة الساعه 12 ونص بالليل
قلت لاااااا
تدري خيره ابجلس واتمشى شوي بجده واجيك بالليل
قال لا اجيك ولا تجيني
يابويا هدي 12 ونص بالليل حق امس << يقصد البارح
اثريني حاجزن 12 ونص بالليل ليلة السبت
اللي هي تصير 12 ونص صباح السبت
قلت والحل
قال الحل انك تزيح شوي بس علشان ما تعطل الطابور اللي وراك
والله ماله عن النقل الجماعي ويالله اتماكن الرياض
وتقلدوا تحيتي
رد مع اقتباس
المفضلات