ايه هين ما اندبيتي اشوفك ليا هلحين ما نسيتي المسطرةالمشاركة الأصلية كتبت بواسطة شموخ شماليه
الحمدلله ماعمرهم ضربونن
بس مسطرة الابله للحين مانسيته الصراحه
مسطرة الغياب مو شقاوة
لان الاربعاء الا أغيبــه مايكفيني يومين واذا ماغبت الاربعاء أغيب السبت
شكرآ لــ موضوعك أخوي سعود
اختي شموخ الله لا يهينك على ها المرور وها الطلة
تحياتي لك
^
اجل انا غيركم
يوم كنت بثاني ابتدائي كان معي بنت عربيه
المهم ذاك اليوم جايه بشنطه جديده كانت الوانه ملفته للانتباه
قالت وش رايك نتبادل
قلت مايخالف
ونتبادل وارجع للبيت
<<مادبغته امه
راحت هالسالفه وطبعا رجعة لي شنطتي
وتجي نفس البنت تسولف عن ساعة امه واسولف له عن ساعة امي
قالت جيبيه وخلينا نتبادل
لاحظو اني ماتبت من الدبغه الاوله
ويوم جاء الصبح والبس الساعه واحطه تحت مريولي والساعه لو الفه عشر مرات حول يدي طاحت ومن اصبحت بس رافعتن يدي
وتكفشن امي متلبسه وتاخذ الساعه
ويجي عمي بيودينا المدرسه واقعد لي جعير << مصممه اخذ الساعه
وهو ينزل يبي يدبغن
واعضه وعلى طلعت ابوي قال ماتدرس خلاص تعالي
وادخل معه وانام يوم جت الساعه 9 يوديني لمدرستي وادخل ماعندي من الشيطان طاري
وباب الناظره قدام باب المدرسه وادرعم يم صفي
الا على صرخة الناظره
وين كنتي ؟ قلت جيت مع ابوي
فقدت الامل انه تفهم مني شيء قالت روحي
.
.
يازين اكالايام
^
عطر تبدلين باالساعات عندي ساعة جايتن هدية من الصين ماصنعو منه غير اثنين وحدة عندي والثانية عند جاكي شان
عطر شمر لاهنتي على ها المرور وها الطلة
تحياتي لك
^الله يا ايام الكوارث هههههه
خوياتنا بالدور الاول وحنا بالثاني والمدرسه هدوء والدرج من عند الباب حق الساحه هن يمشن ششششششششوي ششوي عشان يطلعن برا وحنا ياللي فوق نويق من الدرج ومعبين ماء صحه ومن نلمح الزول رشقناه
اثري المساعده حست بالاصوات وجت تبي تطلع وحنا نرشقه
وبعد هالموقف بجزء من الثانيه طرنا على الفصل وكل وحده بمكانه حتى النفس مافيه
وشوي الا هذي المساعده جايتنا ترطشيوم شفناه وحنا نفقع ضحك كل الفصل
بس عاد بعدين كلينا تبن
^
خخخخخخخخخخخخخخخخخخخخخخخخخخخخخخخخخخخخخ زحف واقلاع وعربجة
^
ايوه وش صار بعدين ابي اعرف وش سوت بكن <<<< ذبحتن الشفاية
الذهب لاهنتي علي ها الطلة
تحياتي لك
اتذكر مره جابوا بنت كسلانه حطوه جنبي "عشان تشطـّر هي و وجهه "
و أنا أقلبه مناحه و هاتك يا دمووووووع و بتسااااء << له جعير بالفصل
و أعيي عليهن , ألا غصب أبيهن يحطن بنت عمي بجنبي .. وافقت الأبله بس قالت إسكتي فضحتينا
من يومني صغيره و أنا قدوه حسنه
.
.
طيب طيب يا القدوه
با المختصر لاهنتي اختي على ها المرور وها الطلة
تحياتي لك
ههههههههههههههههههههههههههههبـ ثآلث ثآنوي حدى المدرسآت تقول لخآلتي بحكم الجيره تقوله عني : من العقل تقل أم للفصل ،،
اومآآ السنين اللي قبل عليهن العوض
موضوعك فتح جروح
ودي أدرس ،،
فطنتيني بكلمة ام للفصل
كان عندنا با الفصل بوه طالب الله يذكروه با الخير دنيا واخرة
تقل امن لنا ههههههههههههه حتى المدرسين لا جو يبون يضربونا قام يعارض ويصارخ
واحيانا ينجلد بدالنا
فوق الغمام لاهنتي على ها المرور وها الطلة
تحياتي لك
\’
هههههههههههههههههههههههههه
والله ياعليكم مواقف هذي الشطانة وماتسوي
أنا طول عمري مؤدبه وحليوه
بس جاء يوم بالمتوسط كانت الاستاذة غايبة .. وقاموا البنات يلعبون بالفصل ويشخبطون على السبورة
كتبت وحدة من البنات بيت شعر وعجبني ورحت كتبته على يدي <<< ياحبي لها الحركة قديييييييييييييمة
وأزعجنا المديرة وجت تهاوشنا وصفتنا بالساحة تبي تطقنا وجابت عصا مكنسه
ومشت على البنات بالدور
ويوم جاء دوري وأنا أفتح يدي اليمين وتطقني وأفتح اليسار وهي تشوف الكتابة قالت وش انت كاتبه
وأنا أذكر وأسكر يدي وأعيي أفتحها لها
ونقعد نتهاوش وأخرتها كملت على البنات كلهم ووقفتني قدام الادارة تبيني افتح يدي وعييت
وأنا واقفه متكتفه ومسكره يدي ... يعني مستحيل افتحها
ويوم ما قدرت تجبرني قالت افتحي يدك اليمين اطقك فيها ورجعتني للفصل ..
ليت السالفه على كذا وبس
يوم رجعت البيت أثاريها متصلة على أبوي وقايلتن له بنتك مشاغبة اليوم وطقيتها وكاتبه شي بيدها ما أدري وشو
وقام ابوي يحقق معي ووريته يدي وهو يعطيني ذاك الكف ...........
’
<<< ودوه يعرف وش كان مكتوب
يا الله تكبرين وتنسين الكف خخخخخ
فوووووز لاهنتي على ها المرور وه الطلة
تحياتي لك
ابو غازي وش تهقى كاتبة على يده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كاتبه
خلاص من حبكم يا زين عزلنا
ماعاد لي في هواكم شف أو رادة
^
^
الله يذكر ايام الدراسه بالخير هدوء تام ومميت ورخامه الى ابعد الحدود وظلم وقراده
اذكر الابله تضرب الطالبه الي بجنبي وهي تميل ولاهي بجبهتي وانا هنا صياااااااااااح
لما دخلت الثانوي بديت مشاغبه لين كونت قروب
وكل صبح نضرب بلي الحوش الاسود وعادي كنه وسام
المشكله انا ننضرب وميتين ضحك
بس وضعي ماعجب اهلي
وزوجوني عشان اعقل
لاهنت اخ سعود على الموضوع
بين عيوني و الكفوف ذاب أحد أحرفي
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة
رد مع اقتباس
المفضلات