يا سلام لما ترجع تتذكر أيام الدراسه مرة شتاق ومرة تحمد ربك انك طلعت بخير وسلامة

[شموخ شمالية]

الحمدلله ماعمرهم ضربونن


بس مسطرة الابله للحين مانسيته الصراحه
مسطرة الغياب مو شقاوة

لان الاربعاء الا أغيبــه مايكفيني يومين واذا ماغبت الاربعاء أغيب السبت




شكرآ لــ موضوعك أخوي سعود

[بنت الجبل آخت القصيد]

اجل انا غيركم

يوم كنت بثاني ابتدائي كان معي بنت عربيه

المهم ذاك اليوم جايه بشنطه جديده كانت الوانه ملفته للانتباه

قالت وش رايك نتبادل
قلت مايخالف

ونتبادل وارجع للبيت

<<مادبغته امه


راحت هالسالفه وطبعا رجعة لي شنطتي


وتجي نفس البنت تسولف عن ساعة امه واسولف له عن ساعة امي

قالت جيبيه وخلينا نتبادل

لاحظو اني ماتبت من الدبغه الاوله

ويوم جاء الصبح والبس الساعه واحطه تحت مريولي والساعه لو الفه عشر مرات حول يدي طاحت ومن اصبحت بس رافعتن يدي

وتكفشن امي متلبسه وتاخذ الساعه

ويجي عمي بيودينا المدرسه واقعد لي جعير << مصممه اخذ الساعه
وهو ينزل يبي يدبغن

واعضه وعلى طلعت ابوي قال ماتدرس خلاص تعالي

وادخل معه وانام يوم جت الساعه 9 يوديني لمدرستي وادخل ماعندي من الشيطان طاري

وباب الناظره قدام باب المدرسه وادرعم يم صفي

الا على صرخة الناظره

وين كنتي ؟ قلت جيت مع ابوي

فقدت الامل انه تفهم مني شيء قالت روحي


.
.


يازين اكالايام

[عبدالله الجعيثن]

^

^


من كثر الدبغ ... صرتي مدرسه

[ســـعود]

هههههههههههههههههههههههههههههااااااااااا اااااااي والله كانت ايام لاتنسى ابد وياليت الطفوله تعود يوما >>>> البنت عجزت هههههههههههههههه




انا كنت مؤدبه وشاطره




يسلمو سعود ع الطرح

^



كبرياء انثى الله يسلمك والله لا يهينك على ها الطلة تحياتي لك

[ســـعود]

شكلك ناويها فضايح


/


اول فلكه كليتها وانا بثالث متوسط انا وواحدن ثابتي وواحد ويباري <--- فلكة خاصه لشمر خخخخخ


طبعا السبب ........... <--- محذوف من الرقابه


جمعنا الوكيل بغرفتوه وسكر علينا الباب وحطنا بالزاويه <---قسم السالفه صدز


وقام يضرب ومنين يوجعك وقال صفوا


نادى خوينا الثابتي وقال لوه اجلس على الكنبه وارفع رجلينك ونادى الويباري
وقالوه امسك رجلين خويك خخخخخخخخخخخ وهاتك جلد

الثابتي الله معطيه بطن ورفارف ويقوم لكم يتزغلب على الكنبه ويتقلب
تقل مشوي وينفسر ثوبه ياما وصل رقبتوه وغالوه ههههههههه انا اقسم بالله
دموعي تصب واضحك والوكيل يراعي لي ويقول اصبر ياتسلب دورك يجي اخر شي
الثابتي بالارض والويباري مجودن رجلينوه ( باع خويه الهيس ) وهذاك يضرب


آآه طلعنا من عند الوكيل وحنا دموعنا ماتدري هن بتسا والا ضحك

^
^
^

ههههههههههههههههههههه
ههههههههههههههههههههههههههههههههههههههههههههههههههه

عاد ياقشر الفلكة

ذكرتن بوكيلنا قبل ليا زعل هد علينا با الهوز اللي با الحوش عاد با الحوش بوه هووز مدود من البرتسة يسقون بوه الشجر

يسحبوه ويجينا طاير انا من اشوف الوضع هلووون اصير تحت الطاولة واتفرج على المسرحية

تشووووف الهوز تسنوه مروحة بها الفصل اللي يجيه با الصابر واللي با الفرة واللي با العلابي

ريال الله لا يهينك على ها الطلة تحياتي لك

[قـــوت]

الله يا ايام الكوارث هههههه


خوياتنا بالدور الاول وحنا بالثاني والمدرسه هدوء والدرج من عند الباب حق الساحه هن يمشن ششششششششوي ششوي عشان يطلعن برا وحنا ياللي فوق نويق من الدرج ومعبين ماء صحه ومن نلمح الزول رشقناه

اثري المساعده حست بالاصوات وجت تبي تطلع وحنا نرشقه

وبعد هالموقف بجزء من الثانيه طرنا على الفصل وكل وحده بمكانه حتى النفس مافيه

وشوي الا هذي المساعده جايتنا ترطش يوم شفناه وحنا نفقع ضحك كل الفصل

بس عاد بعدين كلينا تبن

[بالمختصر..]

اتذكر مره جابوا بنت كسلانه حطوه جنبي "عشان تشطـّر هي و وجهه "

و أنا أقلبه مناحه و هاتك يا دمووووووع و بتسااااء << له جعير بالفصل

و أعيي عليهن , ألا غصب أبيهن يحطن بنت عمي بجنبي .. وافقت الأبله بس قالت إسكتي فضحتينا




من يومني صغيره و أنا قدوه حسنه




.
.

[فوق الغمآم ~ْ ْ]

بـ ثآلث ثآنوي حدى المدرسآت تقول لخآلتي بحكم الجيره تقوله عني : من العقل تقل أم للفصل ،،


اومآآ السنين اللي قبل عليهن العوض



موضوعك فتح جروح


ودي أدرس ،،

[فوووز]

’

هههههههههههههههههههههههههه

والله ياعليكم مواقف هذي الشطانة وماتسوي


أنا طول عمري مؤدبه وحليوه

بس جاء يوم بالمتوسط كانت الاستاذة غايبة .. وقاموا البنات يلعبون بالفصل ويشخبطون على السبورة
كتبت وحدة من البنات بيت شعر وعجبني ورحت كتبته على يدي <<< ياحبي لها الحركة قديييييييييييييمة

وأزعجنا المديرة وجت تهاوشنا وصفتنا بالساحة تبي تطقنا وجابت عصا مكنسه
ومشت على البنات بالدور

ويوم جاء دوري وأنا أفتح يدي اليمين وتطقني وأفتح اليسار وهي تشوف الكتابة قالت وش انت كاتبه

وأنا أذكر وأسكر يدي وأعيي أفتحها لها

ونقعد نتهاوش وأخرتها كملت على البنات كلهم ووقفتني قدام الادارة تبيني افتح يدي وعييت

وأنا واقفه متكتفه ومسكره يدي ... يعني مستحيل افتحها

ويوم ما قدرت تجبرني قالت افتحي يدك اليمين اطقك فيها ورجعتني للفصل ..


ليت السالفه على كذا وبس


يوم رجعت البيت أثاريها متصلة على أبوي وقايلتن له بنتك مشاغبة اليوم وطقيتها وكاتبه شي بيدها ما أدري وشو

وقام ابوي يحقق معي ووريته يدي وهو يعطيني ذاك الكف ...........

’

[عبدالله الجعيثن]

^

^



وشو البيت؟