قدرك بدوني ...!
صبحكم / مساكم الله بالرضا والسرور
اليكم من القلب الى القلب نبضي المتواضع
بعد غيابي الذي اتمنى ان يرتقي الى ذائقتكم
مدخل :
ماكنت ابيك تذوق مري وأخليك
بس أنت مشكلتك تبي تذوق مري
القصيده :
ماعاد للموقف الأنساني أنساني
قلوب بعض البشر ماعادها حيّه
الله خلقني على عرفي وخلاني
أنسان وأعرف وش الحسنه من السيّه
تدري وش.؟ اكبر خطا تقسى وتنساني !
وأنت اكثر انسان يعرفني على النيّه
يمكنّي أخطي واقول أسف مثل ماني
وتصد واجيك من باب الرومنسّيه
وارضيك حتى يا لو انك تبلاني
واقول يمكن ظروف تمر عاديّه
لاكن يطول الخطا من باب حقراني
من دون تقدير حبي لك وماويّه
الظاهر انك نسيت اني من احساني
حطيت لك بالزمن وقفه وماريّه
تجاهلك وصّلك بإنك تحداني
الله واكبر على الوقت وبلاويّه
من عقب ماني غلاك اللي تمناني
وتسوق نفسك على لقياي رجليّه
الحين أنا صرت مفهومك شكل ثاني
وتوسعت نظرتك بالأرض موليّه
تدري وش اكبر خطاي اللي من لساني
سكوتي اللي عليك أحيان حنيّه
وخلاني ابلش معك والقلب وصاني
وأشعلت صدري قصيد بناري الحيّه
اليوم لازم تذوق شوي حرماني
وتشوف نار الجفا وتعرف طاريّه
ويبين لك وجهي الأول من الثاني
وتعرف قدرك بدوني ويش هو زيّه
وابذبحك داخلي في موقف أنساني
وبموقف أنساني ابذّكّرك فيّه
لاجيتني منكسر طايح على شاني
بضمك بخافقي واقول عاديّه
مخرج :
حاجه وحيده شفتها قبل ما اروح
أني بدونك للأسف ما معي شي
رد مع اقتباس
.... الف صح لسانك
المشاركة الأصلية كتبت بواسطة ليالي نـــ ج ـــد
المفضلات