لا تقطعين الياس مني وانا حي
تكفيني الذكرى وشوف الرساله
للشاعر حمد النعيمي وجه الشمال
لا تقطعين الياس مني وانا حي
تكفيني الذكرى وشوف الرساله
للشاعر حمد النعيمي وجه الشمال
يتوق شعري وقلبي صوب من حبه
من غيره اللي اذا ابطا يعذبني
احلى من الشهد واللي جابه وصّبه
عينه عذابي اذا قامت تطالعني
واذا ابتسم شفت ثغره ودي احبّه
لا شك اشيا كثيره منه تمنعني
ولا الشعر تحت شاله هبّته هبّه
واذا التفت لفتته يا قلب وش تعني
من حر ما بي ساعات اغتاض واسبّه
احس كنّه يبي بالعمد يقهرني
يرتاح من شوف نار الشوق مشتبه
كنه بجمر الهوى بيديه يحرقني
واذا سألته لقيته ما عطا سبه
يقول ودي اشوفك صدق تعشقني
يا لعن ابو هرجته ما خاف من ربه
ما شاف شوقي عليه اشلون يسبقني
ما يدري انه مرض قلبي وهو طبه
ما يدري انه بكثر الصد لوعني
ان كان قصده لعب يلعب وبلعب به
خلّه على لعبته حتاه يفقدني
هو يحسب انه صعب ما ينقدر ذبّه
هبيل عقله ان كانه صدق يجهلني
للشاعر حمد عبدالله النعيمي وجه الشمال
إلحق اللي تبقا بالعمر لا يضيع
حسبة ايام تمضي والعمر للزوال
الغلا ما شريته يوم غيرك يبيع
يقطع الله محبه كنها سوق مال
البطا زاد شوقي واحسبك ما تطيع
عزة النفس ترفض والكبر والدلال
انفتح باب قلبي واستوا لك وسيع
وانحدر سيل شعري من رفيع الجبال
القصيده ذلولي سقتها لك سريع
اقبل اللي عليها عاني من شمال
كان هذا غرامك يالصباح البديع
اعذر اللي تطفل بالمعاني وقال
للشاعر حمد عبدالله النعيمي وجه الشمال
إلحق اللي تبقا بالعمر لا يضيع
حسبة ايام تمضي والعمر للزوال
الغلا ما شريته يوم غيرك يبيع
يقطع الله محبه كنها سوق مال
البطا زاد شوقي واحسبك ما تطيع
عزة النفس ترفض والكبر والدلال
انفتح باب قلبي واستوا لك وسيع
وانحدر سيل شعري من رفيع الجبال
القصيده ذلولي سقتها لك سريع
اقبل اللي عليها عاني من شمال
كان هذا غرامك يالصباح البديع
اعذر اللي تطفل بالمعاني وقال
للشاعر حمد عبدالله النعيمي وجه الشمال
ان كان في قلبك من الناس غيري
سامحني ومني ثراك انت مسموح
تبلشني بهمك وهمي كبيري
وش لك بقلب ٍ ممتلي قبلك جروح
للشاعر حمد عبدالله النعيمي وجه الشمال
لا تدور في حياتي غير حبك مستحيل
فتحت عيني عليك وطاح قلبي بالهوى
انظر بعيني وتلقى للغرام اكبر دليل
صفحة العشق القديمه كنا نكتبها سوى
ياحياتي لا تحاتي اني لغيرك أميل
وادري انك انت وحدك في وصالك لي دوا
للشاعر حمد عبدالله النعيمي وجه الشمال
آآآه ياليل المدينه عقبها زايد ظلامه
لعن ابوها لعن ابوها ماتعوض بالبنات
اشهد ان الله عطاها بالحلا اكبر وسامه
سيده من راس ساده والمعاني طيبات
تجذبك يوم اتكلم وان مشت مثل الحمامه
لو يميل العود يبقى في خطاويها ثبات
والمكان اللي تطبه تنفرد هي بالزعامه
كامله ربي خلقها تمتلك كل الصفات
مخلصه في كل حاجه هي دوا القلب وغرامه
اسعدت قلبي معاها وين ذاك الوقت فات
للشاعر حمد عبدالله النعيمي وجه الشمال
ياصاحبي عدل السيره مع النيّه
سيرتك فيني تعدت كل الاخلاقي
ان كان حبك صحيح وفيه حنيّه
والا انت تقفي وتنسى قلبي الشاقي
ماغير اناظر سمايه وارفع يديّه
واقول يالله ترحم كل عشاقي
ابي اشوفه حبيبي لو هو شويّه
لحظات منه لجل يرتاح خفاقي
للشاعر سعود القريفه
محد ٍ خذا قلبي من الناس غير انت
ومحد ٍ ذبحني غير حبك وطاريه
غزيتني بشويش حتى تمكنت
قلبي تسيطر فيه وبكل مافيه
جننتني بالحب حتى تجننت
اذهبت عقلي لين ماعاد يمديه !!
همّه يفكر كيف في حبك ادمنت
وياكيف رجل ٍ يشتري الموت بيديه
للشاعر سعود القريفه
حبيبي جيتك اسبق خطوتي وامشي وانا ملهوف
ابي تعرف ترا حبك غدا للكل مفضوحي
يشوفونك بعيني وانت ساكن في صميم الجوف
يعذلوني بحرف النون لامن شافوا جروحي
ترا حبك ذبحني ليت من عطفك علي تروف
وانا ببقى لك الوافي حبيبي وين ماروحي
انا صاين غلاتك عن كلام الجاهل الملقوف
الى منه رما له كلمة ٍ والا بها يوحي
احبك ايه احبك مارتجي شكر ٍ ولا معروف
ابي شعري يوصلك عذابي يابعد روحي
احبك يالذي حبك غلاته من غلاة الشوف
حبيبي انت توحي هرجتي والا انت ماتوحي؟
للشاعر سعود القريفه
الذين يشاهدون الموضوع الآن: 8 (0 من الأعضاء و 8 زائر)
ضوابط المشاركة
رد مع اقتباس
المفضلات