كل عام وانتم بخير
ومن العايدين
اليوم انتقيت لكم احد قصائد الشاعر مسلم الشمري
اليكم القصيدة
الانتفاضة مستمرة على كل الاحوال
حتى ولو شارون يشفي غليله
لكن يغبنك ياولد شين الافعال
وبشع الجرايم والحياة الرذيله
هذا يتيم وهذي بدون رجال
وهذي لها خمسة ليالي قتيلة
وعجزٍ ثكالا صابهن هول هبال
وتحت الحصار انهار عرض الجميلة
عزآه ياشعب عثى فيه الانذال
شعب وقع ماعين احدٍ يشيله
شعب يذله كافر بكل الاشكال
ينخى ولكن مالقى من يجيله
شوفوا جنين شلون سوو به اهوال
وشوفوا رفح والمجزره في خليله
ويافا وحيفا بعد حالهن حال
والموت بالضفة وساكن جليله
غزة ورام الله بهن مات الاشبال
وحمام سلم مايبكي هديله
روفوا بشعب ماعرف راحة البال
شعب حياته ياعروبة ذليله
مع كل هذا صابر وللحمل شال
وصامد وزاحف من سنين طويلة
ورغم المجازر والمذابح بالاطفال
وهتك اليهودي عرضنا كل ليله
خمسين عام مقاومة ياهم ابطال
سيل تحدر جارفٍ في مسيلة
آيات سوت بالطواغيت الاهوال
جتهم تزم الموت زم بشليله
شهيدةٍ .. منتصرةٍ .. فالها فال
راحت مثل برقٍ عجزنا نخيله
ماهمها الدنيا ولا جمع الاموال
يالله عسى جنات عدنٍ مقيله
والغامدي صاب التجارة بزلزال
مستشهدٍ .. مستشهدٍ في سبيله
يالله عسى له جنت الخلد منزال
همه عدو الله بداره يزيله
وغيره بعد غيره صناديد ورجال
واللي تشهد واجدينن بديله
يوسف يابن ايوب شف حقنا زال
يوسف يابن ايوب هذي الحصيلة
حنا نلوسن ما بنا كود الاقوال
وشارون شارينا وبوشٍ كفيلة
مات السلام ومات حلمي والامآل
حسوا ياعرب لو ثواني قليله
احسن نغطي روسنا باسود الشال
واحسن بعد نلبس على الوجه شيله
وتري مكاسي
رد مع اقتباس
المشاركة الأصلية كتبت بواسطة الشهبا
المفضلات