خــــــــيـــــــــــــــــــــانـــــــ ــــــــــــــــــــــــــــــه
( مثقال بشير الذرفي الشمري )
شجون ومتعه غزليه وجرح يقدمه هديه الى حبيبته الخاينه
فهل يكتفي بابياته حلقوا في سماء المواقف الصعبه بين المحبين
لا جيت ابنسى واتراجع واسامحك
صاحن جروحي واشتكن لي طعونك
كلك خيانه قول .. وشلون ابمنحك
وش موقفك من شخص دايم يخونك !!
اكبر خطا.. لو جيت يمك اصالحك
اول تحوّل .. لاتغرّك إلحونك
اللي تقوله صح .. لو كنت جارحك
(مير) انت غارق للاسف في ظنونك
وصفك نسيته بس .. باقي ملامحك
بنهيك وانهي بالنهايه جنونك
ماتستحق امد (كفي) واصافحك
مثلك غلط عمري وابحيا .. بدونك
لعبت دورك شاهداتٍ مسارحك
خدعتني واظهرت خافي فنونك
كنت اعتقد .. قلبي هو ابرز مطامحك
اللي يبيع الناس لجله يصونك
تعبت اسوق الشوق يمك واصارحك
اخلصت لك بالحب .. شوفت عيونك
لكن خسارة صرت غاية مصالحك
ياليتني ماجيت .. لحظه بكونك
بالامس كنت بنشوة الحب .. امازحك
اخيل برقك واتحرى امزونك
واليوم من صفحة حياتي .. ابمسحك
هديت صرحك ثم طاحت ركونك
ولابي عيوني لو تصورت تلمحك
اعلنت موتك .. وانسجن لي كفونك
وان جيت تطلب .. ترتجيني اسامحك
بهديك طعنه .. من بقايا طعونك
رد مع اقتباس
المشاركة الأصلية كتبت بواسطة شموخ شماليه
المفضلات