من قديم الزمن
لم اضيف جديدا في المنقول
ولكن هالمرّه تشفع لي
جديد الشاعر الشمالي / خلف المشعان
:
:
:
حزن الشتا .. ماغيّره .. بسمة الصيف
............................ مابينهن .. نفس المسافه .. وبيني
/
\
الكم .. يرميني على صخرة .. الكيف
............................ والشك ... يسحبني لفرقا .. يـقيني
/
\
لاجــيت ادور للأماني .. تعاريف
............................... تغرغرت دمعـات .. عيني بعيني
/
\
الهم راعي بيت والا الفرح ضيف
................................ ياقلّ مايلفي .. علي .. ويجيني
/
\
مابين شيف وغاب زوله ولاشيف
.............................. راحت ورى طرد المقفي سنيني
/
\
والشعر بحر ٍ به يديني مجاديف
............................. من كثر ماابحر فيه طاحت يديني
/
\
والصبر انا وياه كنا مواليف
............................ واشوف تالي .. الوقت مايشتهني
/
\
لاقلت وينك ياخصيم التصاريف
............................ قام يتصدد ، يوم يوحــي ونيني
/
\
ياحيف والا ليش اباقول ياحيـف
......................... دام الفرج من دون غيري .. نسيني
/
\
تعبت اقلّبها ولاجت على الكيف
........................ ماهي على المسحوب والا الهجيني
/
\
حزن الشتا .. ماغيّره .. بسمة الصيف
............................ مابينهن .. نفس المسافه .. وبيني
/
\
:
:
:
:
:
:
لمن يعرف جيداً ..
أن لاشيئ يستحق الخطأ سوى حاجتي إليه ..!:
:
:
:
:
مايجهلك .. إني محـال .. آتجــاهلك
.................... حتى ولو ( نفسك ) عليّ .. اتحــكـي لك
صعب آتخيل .. كيف مر بتخيلك ؟؟
...................... إن ( الشموخ ) يغرني .. ما ْنحني لك
كنّك نسيت اني .. عليّه موكـّلك
....................... وإني عن الدنيا واهلها .. كفيـلك ..!!
وإني خلفك ونصفك اللي يكملك
...................... تشيلني لاطحت ، وان طحت اشيلك
دايم تعدّلني .. وإذا ملت اعدّلك
....................... ومن زود عدلك ،، ماتحريت ميـلك
اشوف بك نفسي ولا اقدر اجاملك
....................... لا تاه عقلك .. خـل .. قلبك دليـلك
لازم تحملني مثل .. ماتحمــلك
...................... اسمع كلامي للنهايه .. دخـيلك
تعاملي .. بالصدق ناتج ، تعاملك
....................... انفض عن الظلم وظلامه شليلك
لايختلف تاليك .. عن منهج اولك
...................... وان مااستوت غصبتها .. تستويـلك
لاياخذك تفكير ثاني ويشغلك
....................... مالك بديل ٍ لي ، ولالي .. بــديلك
ابطيت / ماحتجتك .. وحبيت ازعلّك
................... عشان احس بحاجتي لك .. واجي لك
:
:
:
وهذه ليست كما جائت .. اقبلوها .. بماآلت إليه ..!!
لقلب اخي الغالي (( جـــــــــــــزاء السلطاني )):
:
:
:
:
:
هبت رياح العاصفه بالمحاصيل
............................ من بعدها مدري وش اللي جرالي
فتحت شباك السهر والتفاصيل
......................... واستوحشت مني / سمارة ظلالي
صوت الهوى .. نص الشتا اخر الليل
......................... أهون من انفاس الضلوع الخوالي
البارحه بين الجفا والمواصيل
............................ كل شي مايطرى فبالي طرالي
مالي مزاج اطلع وادور تعاليل
...................... ومبغى اختلي بهجوس شعري لحالي
ان اختليت بضيقتي جابت ال سيل
....................... وجرفت فعل الطيب وقت انفعالي
صديت عن سرج الاصيله من الخيل
........................... يوم اربطو هاك الكديشه اقبالي
اخير من شوفة خمال الرجاجيل
........................... انك تذكر .. مامضى من ليالي
قلت انها كذبه مثل كذبة ابريل
.......................... ودفنتها حيه .. بصدر الشمالي
ليله وعدت عقب ماهدت الحيل
............................ ماردها الا شطر بيت ٍ فـبالي
وزنه يعادل وافيات التماثيل
....................... غالي ومن قاله على القلب غالي
ماهو بحاجة شرح معنى وتحليل
........................ يكفيني انه كان شطر ارتجــالي
قاله ( جزا ) نسل الرجال المشاكيل
.................... ( لا لن تقع على الاقل من خلالي )
صح الله لسان الشاعر خلف المشعان
رد مع اقتباس
المفضلات