دايم تعدّلني .. وإذا ملت اعدّلك
....................... ومن زود عدلك ،، ماتحريت ميـلك
اشوف بك نفسي ولا اقدر اجاملك
....................... لا تاه عقلك .. خـل .. قلبك دليـلك
لازم تحملني مثل .. ماتحمــلك
...................... اسمع كلامي للنهايه .. دخـيلك
تعاملي .. بالصدق ناتج ، تعاملك
....................... انفض عن الظلم وظلامه شليلك
لايختلف تاليك .. عن منهج اولك
...................... وان مااستوت غصبتها .. تستويـلك
لاياخذك تفكير ثاني ويشغلك
....................... مالك بديل ٍ لي ، ولالي .. بــديلك
ابطيت / ماحتجتك .. وحبيت ازعلّك
................... عشان احس بحاجتي لك .. واجي لك
-------------------------------------------------------
صح لسان الشاعر المبدع خلف مشعان
وصح لسانك ونقلك الرائع الغالي بشير.
رد مع اقتباس
المفضلات