مشينا نخطب
السلام عليكم ورحمه الله وبركاته
سلام نظر وشحالكم
رجائن من المذكوره اسمائهم قطع العلاقه بي نهائيا
1/ يوسف المنطعج
2/ريال فسحه
انا خلاص انسان خاطب وانشالله بعد كم سنه ابي اعرس
واعذروني مقدر اماشي عزابيه
المهم نرجع لموضوع الخطبه
بينما انا مسلهمن على التلفاز <<< متعوب عليها هالجمله
الا ابوي تسافتن علي بالمقلط ويتكي قلت اقهويك يارجل قال لا مشكور انثبر بمحلك
قال وليدي انت انسان كبرت وتوظفت ولا بد نزوجك
قلت اكيد اني كبرت ولا هالشارب والسكسوكه مرسومات رسم
قال اللهابو هالعلابي والله الشرهه مهو عليك على الي يبي يخطبلك ويسنعك
خطبه!!!!!!!!!!!!
وانا اتأدب واشتري صن قلت اسلم طال عمرك قال زهب عمرك ترنا نبي نخطبلك اليوم
وعلى طول وارتسب الجمس ولاقرب حلاق قلت بالله اخبصلي كل ماعندك لزوم الكشخه
...............
المهم وانا اتزكرت والبس البشت <<< يبي يزف مهو خاطب
<<<< لابس البشت ومنسف كوبرا
قلت يالله يبه مشينا قال وش الي انت لابسه ؟
قلت لابس بشت وش لابس كفرول مثلن
قال نزل البشت ولا مامن خطبه قلت عين خير لاتغدي علوم
وهو يتحستن وانا ارضخ للامر الواقع وانزل البشت
المهم رحنا للنسبا
وانا اسلم على عمي الي هو ابو البنت وانا اتكي وغازن خشمي
حسيت تسني ابي اطير
شوين وهو يقوم يبي يقهوينا وانا متحظنن المركا واطالعله
قال ابوي وليه ماتقوم تقهوي عن عمك ياوجه هالغرلا
قلت يبه ماله داعي تعلم بمعيارتي قدام عمي
مالكم بالطويله تقهوينا وسولفنا بامور الخطبه
شوين الا تسافتن علينا ولدهم الصغير ومعه مسدس لعبه ابو خرز
انا من شفت وجه الوغد قلت عزالله الي ماعينا خير
طلع ابوي يكلم ويتمخلى بي ابو العروس وولده الوغد
ويبلشن الوغد ارفع ايدينك واستسلم واقوم اتبوسم له قلت ابشر
قال اقولك ارفع ايدينك <<< خربت معه
قلت اقول انقلع وراك
ماحسيت الا هو مفرعبي ويقوم يضحك ابوه قلت مستانس معجبك الوضع
قلت يابن الحلال خلاص استسلم بس فكن شرك
يالربع مافطنت الا هو متسفتن الخرزه بعيني حسيت شرار طلع من عيني
وانا اصرخ هكا الصرخه يباااااااااااااااااااااااااااااااااااااا ه
وينحاش والوغد وانا اتسحته
وتغدي حواجيز ويهدوني قلت يبه كنسل خلاص مابي عرس
قال شفت عينك الثانيه الصاحيه ترى بفضخه لك
المهم تمت امور الخطبه بعد فضخه العين
بس ماراح اتركه للوغد ابي ارده له
وتوته توته خلصت الخطبه
منكم واليكم والسلام عليكم
المشاركة الأصلية كتبت بواسطة سلطااان السويري
المفضلات