قصيده جديده ... أتمنى تنال إعجابكم
[poet font="Simplified Arabic,14,white,normal,normal" bkcolor="" bkimage="" border="double,4,white" type=2 line=200% align=center use=sp char="" num="0,black"]
( مـقصــورة حــبل )
لي خفوقٍ كل ماجا طاري البعد أنهبل = طالبك لاعاد تطري البعد قدر المستطاع
به جروح ولاتعدي .. لاتعدي بالهبل = هذا وإنتي مارحلتي عاد لو قلتي : وداع ؟
أعرفك مانتي رديّه بس .. مقصورة حبل = تعرفين إني وقلبي والمشاعر لك جياع
البلا إني قد نصحت القلب لكن ماقبل = أبتسمتي وراح فيها وأنكشف خط الدفاع
ول من رمشك لمحني وأستلم قلبي نبل = وجيت رافع له يديني في خضوعٍ وإنصياع
إسمعي .. هو مايهزّك منظر الورد إن ذبل ؟ = زين يوم إنه يهزّك ليه تلوين الذراع ؟
وليه يابنت الأوادم مارحلتي من قبل ؟ = إلاّ يعني تأكدي حجز التشرّد والضياع !
عاشقك يابنت ماله في مواعيد وقـُبل = عاشقك لو جاه حبك صاع ردّه ألف صاع
عاشقك من روس قومٍ شامخه مثل الجبل = لاتظني ينحني ويقولك ( سمعٍ وطاع )
ول من رمشك لمحني وأستلم قلبي نبل = وجيتله رافع يديني في خضوعٍ وإنصياع
إرحلي ماعاد تفرق والجروح إلا قـُبل = بس أنا في وجه ربي .. لاتقولين الوداع
[/poet]
وسلامتكم
رد مع اقتباس
المفضلات