لا غـــبت عـن عــينــي يـجــافـيـنـي الـنوم
ذائقة المشتاق اقدمها لكم بليلة رمضانيه رائعه للجميع تقبل الله صيامكم وقيامكم آآآآمين
لآغبت عن عيني يجافيني النوم
@@ @@
ياللي على بالي انا دايم الدوم=اسألك بالله انا موجود في بالك ؟!
***
اشتاق لك كلي انا دوم مو يوم=وارقب متى اشوفك وانطر وصالك
***
تطري على بالي من دون هـ القوم=وطيفك يلاحقني وصافي جمالك
***
وفـ حبك انا غرقان وماينفع العوم=مايفيدني غير اللقا بحظرة جلالك
***
وترى المقدر كان ومايفيد ذا اللوم=راضي انا اغرق فـ بحرك وجالك
***
لاغبت عن عيني يجافيني النوم=واسهر تسامرني نسايم دلالك
***
حبك كبير وبه انا ماقبل السوم=لو بعتني انته اببقى حلالك
***
ماقدر على فرقاك وابظل محروم=لين التقي بك واحتمي في ظلالك
***
وفـحظرتك اكتم انا اخبار وعلوم=مابغى اشوّه صورتك في كمالك
***
ماهمني لو كنت انا حيل محروم=دامه عليّه مايتأخر سؤالك
***
احس روحي منك او كننا توم=حتى خيالي نسختن من خيالك
***
وترى الخطأ وارد ولانيب معصوم=ارجوك لاتزعل ويطيحن جبالك
***
تهدني وتروح ؟ ياعيب الشوم=منهو بيبقى واقفن في شمالك
***
لامن تذكرتك انا اصيح مهموم=واضم باقي قطعتن من شيالك
***
لاتروح عني وصرت انا بك ملزوم=ماقوى غيابك ولا انحرم من هبالك
وسلامتكم
رد مع اقتباس
المشاركة الأصلية كتبت بواسطة عبدالله الجعيثن
المفضلات