السلآم عليكم
الله لايسميكم إلا بكل خير ولايصبحكم الا بمثلوه
أصعب شي إنك تحس بالاضطهآد
وأصعب من الأصعب انك تعيش بالقرن الـ21 وإسمك غالب
وأصعب من الأصعب الأصعب انك ماتعرف تنآفق وتجآمل
المهم ماعلينا
قبل كم يوم آحلق ومغمض لآن الحلاق ريحة فمه تجيب القولون
تبي تقولون ليه مغمض لآني مابي اراعي لوجهه اخاف تصير مصيبة واتفل عليه
المهم اني مميل راسي يسار وهو يحفر بأيمن وجهي
وهو يجي يبي يعدل وجهي وهو يمسك خشمي ويسحب وجهي جهة اليمين
ابوووووووووووووووووك حلآق حبكة الا تلف راسي وتسحب خشمي
عقب ماطلعت من الحلاق مريت لي بقآلة
واخذ لي بايسون وهو يطلع بوجهي وغد من بين الرفوف
وهو يبتسم وانا ابتسم له
وهو يفتح يديه يبني اشيله
وهو يقول كلمة صرآحة اني شكيت بروحي عقبه
يقولي ماما
اللهابو انت وغده والله اني بغيت اشوته بوز بس الله رحمه
بهالموقفين لولا الله ثم اني حليم وحكيم كان صايرتن مصايب
أوله الحلاق وحركته القوية صرآحة يوم لف راسي من كثر ماني منصدم من حركته ذبحن الضحك اللهابوه والله لو اني مثبت طنب بوجهي مااسحبن كذا
الثاني الوغد وسالفة ماما
تهقون ام الوغد له شنب وسكسوكه
مقس على السريع عجزت اصبر
توسدو إحترامي
رد مع اقتباس
المشاركة الأصلية كتبت بواسطة ابو ضاري
المفضلات