رحـــــت كــــــنــــك مـــــن قــــبـــــيـــلــــه وهـــمـــك مــــن قـــبــيله
انقل لكم جواهر الحكمه انتثرها لكم ومتعة الدهشه والجمال بالقرائه
الــــــقــــنــــاعــــه كــــــــنــــــز
الله اللي خالق الناس معطي ومحروم
ومن على ربه توكل ترى ربه وكيله
والسعاده تنتهي والتعاسه ماتدوم
والفراق يصير ماتمنعه بأية وسيله
وان رحلت إرحل بذكرى عزيز" ومحشوم
لاتروح بنقص لآراح كل" في سيبله
والكرم والطيب مايشمل العالم عموم
وصعب ترضي الناس في كل يوم وكل ليله
وكل واحد ماهو عن الخطأ شخص معصوم
وإعترافك بالخطأ والقصور أكبر فضيله
وإعرف ان الامر في تالي الأمر محسوم
وإن لقيت الياس حاضر ترى صبرك يشيله
وإحذر التقصير في حضرة رجال اللزوم
الرجال اللي بهذا الزمن صارت قليله
الرجال اللي ليا جيت ضايق ومهموم
رحت كنك من قبيله وهمك من قبيله
الرجال اللي تدافع إليا صار الهجوم
فعلهم واضح ومشهود والعالم دليله
الوفاء لهم طبيعه وباللآزم قروم
والوفاء مافيه غير الوفاء شي" بديله
وخل عندك بعد نظره ولك قلب" رحوم
ولآ تعاتب كل ماشفت لك زله وميله
ولآ تجي وليمة" مأنت مدعو ومعزوم
ماعليك خلآف والرزق له رب" كفيله
والقناعه كنز كان الأمل صار معدوم
لاعرفت وشفيه قدام والطرقه طويله
ولاتجي كلك إليا صارت الدعوى علوم
وإن خسرت إنسان ماهي خسارت"ثقيله
للمبدع / نـــــمش الــــشــــمــــري
رد مع اقتباس
المفضلات