في عيوني لك كلام
تكفى اعلنها صريحه قل [أبيك] أو [ما أبيك]..........
..........الصراحة بالمحبه...[عادي] ما فيها زعل !
أنطر بلهفه [ جوابك ] و كل مـابي يـحتريك ..........
..........لا [ تعلقني ] .. [ فديتك ] ماني قادر أحتمل
كل [عرقاً ] بي [ يحبك ] كل مابي يشتهيك...........
..........مدري حبي لك [ طبيعي] والاعامل لي عمل
والا وش معناها اني [انجرح منك واجيك]!...........
.......... وليه أحبك في [ جنون] وأنت قاتلني قتل؟؟
شفني لعيونك حضرت وكل حياتي في يديك..........
.......... مدري حسيت بحضوري والا كل هذا ثقل !
قلبي اللي [ ملكته ] .. رافضاً هذي و ذيك...........
.......... عمره ما فكر بغيرك.. ولا عن [ثاني] سأل
رافض الفكرة [ بتاتاً ] ما يساوم مّره فيك...........
.......... أنت متربع لحالك ...ولو ظهر [غيرك] أفل
أن جرحته [ يبتسم لك ] لو تبيعه يشتريك..........
.......... هو جنون الحب هذا ? أو كذا سلوم الغزل!
الغريبه اني [ اسكت] لو تجي عيني بعينيك.........
..........المشاعر في حضورك ضاعت بلحظة خجل
ماقدر ينطق لساني ماجمع [حرفين ] بيك ..........
.......... وانا ياما في [غيابك] قلت في وصفك جُمل
ارفق بقلباً يحبك [ بح ] صوته...يرتجيك ..........
..........وانتا مو راضي تبين وش أسوي لك اجل ?
لو تبي عيوني حلالك اشر [بأصبع] تجيك..........
..........مهما كان اللي تبيه و مهما بسبابه حصل!
حط في بالك حبيبي....كلي ما أغلى عليك..........
..........مهما تجرحني......تاكد كلها عندي عسل !
طال صمتك وصمتي .. قلت[ياويلي عليك]..........
.......... في عيوني لك [كلام] وفي حطامي لك أمل
حتى لو طوّل [سكوتك] انا صابر واحتريك..........
.......... مستحيل احب غيرك لو يسموني [ خبل ]!!
تكفي أعلنها صريحة قل[أبيك] او[ما أبيك]..........
.......... لا تعلقني [فديتك] ......ماني قادر أحتمل!!
/
بقلمي~ / أصيل 2010م
رد مع اقتباس
المشاركة الأصلية كتبت بواسطة عبدالله الجعيثن
المفضلات