مع الفضآوه اقرأ قصآيد الدويش
واعجبتني هذي
ما بين دمعات العيون وبين تأنيـب الضميـر
أصبحت ما بين أكتبيني يا حروفـي وأشطبـي
البارحه مشاعري ما بيـن مجـروح وكسيـر
والقلب يصرخ للحزن ويقول تكفـى وشتبـي
غلطان يومني بنيت أحلام وذراعـي قصيـر
كسبت همـي وأحتراقـي وأشتياقـي وأتعبـي
يا راضيه بالكوخ والخبزه ومقيـال الحصيـر
كنتي ذكيه لكـن العاشـق طلـع هـو الغبـي
ودي أكمـل سنـة العشـاق لـكـن الفقـيـر
مفروض ما يطمح سوى للـزاد ولا المشربـي
عام ٍ ورا الثاني وأنا أحبك وأحس أني أطيـر
وأقول في بحر الهوى يا زين ممشى مركبـي
الين رحتي والحزن من سطوته دمعـي يحيـر
في محجري وأقول يالله صبـر أيـوب النبـي
رحتي كبيره بس مقـدارك بميزانـي صغيـر
رحتي لواحد غير سلهامة عيونـك مـا يبـي
شاري جسد بفلوس وقصور وعمارات وحرير
وأنا كنوزي بس في حبي وشعـري ونسبـي
وأنا الذي شريت روح وكنت بعيوبك ضريـر
عينك على غيري وأنا كنت أحسبنـك مطلبـي
لكن ذي صرخه بوجه الهـم والدمـع الغزيـر
ماني من اللي لا رماه الوقت يقضيهـا حبـي
مامت من فرقاك / الا تو شفـت البعـد خيـر
وعرفت أن البعد عنك هـو غنـاي ومكسبـي
بصبر على الدنيا وأراقب كيف دورات المصير
والعز عزي بالعقـل والـذل يخسـى ويهبـي
وأعيش راضي بالقدر وأنساك وأسلى وأستخير
والذيب لا فاته ظبي يلقـى تسـع ميـة ظبـي
ومدام في صبري كبير أموت بأذن الله كبيـر
ووصيتي لا مت غني فـوق قبـري والعبـي
المفضلات