خربشات فلاوية ...

**منصور الغايب** · 25-07-2010 21:52

هالمرة ... حبيت أخربش على طوفة الفلة ... ابي أخرب صبغكم الجديد

.
.
.

صاحبنا يشتغل بشركة مقاولات ... طلبوا منه يروح للسوق يشتري ميزان يكفي لوزن طن .... راح للسوق ورجع بدون لايشتري ... والسبب ؟!

يقول ما حصلت وزن طن ... كل اللي حصلته 1000 كيلو وفوق

عز الله ربحت الشركة ....!!

.
.
.

صاحبنا يبيع ويشري بسوق الغنم (الصفاة) ...

باع خروف على أحد الزباين المقاريد ... وبعد شوي .. رجع الزبون ومعاه الخروف ...

قاله ابي ارجع هالخروف ..

قاله ليش ؟ عسى ما شر ؟

قاله خروفك عور ...

قاله ياخي أنا بايعه لك تاكله والا تطلعله ليسن ( رخصة قيادة )

ياسلام على التاجر ...!!

.
.
.

صاحبنا .. جاي من الشمال ....

عزمه واحد من الجماعة ... ويوم قام من العشاء يبي يغسل ... صاح المعزب على حدا عياله .. فلان قوم جيب الفوطة (منشفة) ...

رد صاحبنا ... لا لا لا .. فوق النعمة هذي كله فوطة .. ما اقدر عليَه ...

يحاسب الفوطة أكل

يازينه يوم كان اسمه خاولي ...!!

.
.
.

صاحبنا شاد حيله ... راح لامه العجوز .. قاله يمّه ... ليش ما تلبسين دسوس ... حرام يطلعن ايدينك ...

ردت العجيّز ... ليش ياولدي .. أنا حارس مرمى ...

خربن العجايز ....!!

.
.
.

صاحبنا سيارته خربانة وتمشي شوي شوي ...

وراه سيارة مجاري (عزكم الله) .... وسايق سيارة المجاري علق الهرن (البوري) على صاحبنا ....

صاحبنا بعد أن نفد صبره ... طلع راسه من الدريشة وقال لسايق سيارة المجاري ...

شوي شوي ... خايف على الكنافة لاتبرد

ياسلام على التشبيه ...!!

.
.
.

صاحبنا لاول مرة يسافر للسعودية للعمرة ... وفي أحد المطاعم بمكة ... طلب عيش (رز) ... ويبيه سفري .. لاهله بالفندق .. يوم جاه العامل عطاه الرز حاطه له بكيس ....

قال ليه يخوك ... أنا عازم قطاوة

لكل بلد .. عاداته ومطاعمه ...!!

.
.
.

صاحبنا كل ما سولف مع أحد ... قاله أنا أخوي ضابط ... وبالصدفة ... تمكنا من رؤية هوية أخوه ...

طلع صج ضابط ... لكنه ضابط أمن... يعني سيكورتي ...

ياكثرهم اللي مثل صاحبنا ...

.
.
.

صاحبنا جالس في أحد الديوانيات ... وفيه واحد بالديوانية ما يسكت مستلم الديوان طول بعرض ... بالسوالف ...

قاله صاحبنا .. ياخي انت ليش ما تسكت ...

رد عليه الرجال قاله ياخي تعرفني أعرفك تقولي هالكلام ؟! ...

رد صاحبنا ... قال أنا ما أعرفك ... بس أنا ماوي لحليجك

ياسلام على الحرص ... وما أكثر الثرثارون ...!!

.
.
.

دمتم ... بدون لا تشوفون صاحبنا

**قـــوت** · 25-07-2010 22:57

<< معه سطل بويه خخخ

صاحبنا شاد حيله ... راح لامه العجوز .. قاله يمّه ... ليش ما تلبسين دسوس ... حرام يطلعن ايدينك ...

ردت العجيّز ... ليش ياولدي .. أنا حارس مرمى ...

خربن العجايز ....!

رووووووووووووووووووووووووح ياولد عجوز قالشه خخخخخخخخخخ

**منصور الغايب** · 25-07-2010 22:58

هلا بالذهب ....

الله يطول بعمره ... تراني أعرفه

**شموخ شمالية** · 26-07-2010 00:29

المشاركة الأصلية كتبت بواسطة منصور الغايب

.

صاحبنا كل ما سولف مع أحد ... قاله أنا أخوي ضابط ... وبالصدفة ... تمكنا من رؤية هوية أخوه ...

طلع صج ضابط ... لكنه ضابط أمن... يعني سيكورتي ...

ياكثرهم اللي مثل صاحبنا ...

.
.

زي اللي يقول ابوي امير..أبوي امير.. وأزعج الجيران بهالكلمة وآخرتها طلع امير على بيتين بهجرة

تسلم يمينك اخوي منصور على هيك خربشات

**جمران** · 26-07-2010 00:37

المشاركة الأصلية كتبت بواسطة منصور الغايب

صاحبنا يشتغل بشركة مقاولات ... طلبوا منه يروح للسوق يشتري ميزان يكفي لوزن طن .... راح للسوق ورجع بدون لايشتري ... والسبب ؟![/SIZE][/FONT][/B][/CENTER]

يقول ما حصلت وزن طن ... كل اللي حصلته 1000 كيلو وفوق

عز الله ربحت الشركة ....!!

[/SIZE][/FONT][/B][/CENTER]

ذكرتني بالحديد والطن

حللللللللللللللووه

سلمت ياخيي منصور

**منصور الغايب** · 26-07-2010 13:55

المشاركة الأصلية كتبت بواسطة شموخ شماليه

زي اللي يقول ابوي امير..أبوي امير.. وأزعج الجيران بهالكلمة وآخرتها طلع امير على بيتين بهجرة

تسلم يمينك اخوي منصور على هيك خربشات
[/CENTER]