.
.
.
يفعل الله ما يشاء وما يريده
والبنادم ماله الا ما كِتب له
ذعذع الغربي بنفحاتٍ فريده
والنظر قِبله ووجه العبد قِبله
والشعر قدلي مصدٍ من جديده
سامحٍ سماح ابو جعشه امن ابله
مبطيٍٍ ماقلت لي جملة مفيده
لو قراح الشعر فوقي هل وبله
وينشد الملقوف بلسانه وبيده
وش جدايد ما كتب عنتر لعبله
ومن نشدني قلت له رحله سعيده
جنب اللي ما يبي ياكود سبله
يوم عاد الشعر مذياع وجريده
ومن سمع والا قرا شيٍ طرب له
صدت منه اللي هداني الله اصيده
وان قطف لي يانعه وفرت ذبله
وخذت منه أغلى مزاياه الحميده
واتفقنا ينتسب لي وانتسب له
كم رقابي فوق نظراتٍ بعيده
يوم مات الليث قبل يتم شبله
وكم خذاني في رضا العمّه زبيده
وصغت لارضاها كذا اسواره ودبله
وكم نكبني الشعر في أخطر مكيدة
وعشت قولة من تردا لك اسطب له
لين ربي ساق للمسيود سيده
وارتكاله وارتواله واحتطب له
وشاعرٍ لا قام ما يرفع رصيده
لا يوقف ماقفٍ ما ينحسب له
بس دام الشعر موجاته عديده
وتعرف له كل تلميذه وأبله
فالجهاز النت تلقى ما تريده
والفضائيات كلِ طق طبله
من بغا ينشاف سوّا له قصيده
بالوزن والقافية زينه وقبله
ولا وقف قمنا نصفق للوليده
حتى لو انا نعرف اللي كتب له
وكل حقٍ جاك به جاره وقيده
كن مابعده على الدنيا وقبله
ويوم شفت الوضع ماقلنا نعيده
والشعر ماعاد يسوى عود ربله
خذت لي ركنه من الملعب وبيده
لو تقول الناس هذا شاعر أبله
وشاعرٍ يشك بن ضيدان ميده
والله انه اياه وأني ما أحسب له
==============
رد مع اقتباس
المشاركة الأصلية كتبت بواسطة الذهب
المفضلات