العمر ياشامان

**الحيمري** · 19-07-2010 11:03

ياربع انا اشوف مامن جديد بالنسبه القصه وقصيده
والله اعلم الناس مشغوله ولاعندهم فراغ

انا لي استفسار عن مثل والصحيح انه قصه
دايم حنا نقول كلمه واكثرنا مايعرف معناها ذلك
سؤالي (((العمر ياشامان ))) وشامان معروف السيف
ابي هذه القصه من يقدر يفصلها لنا هي وقصيدتها وماذا
قيل العمر ياشامان ومن قالها اذا كان احد الاخوان عنده معلومه
مشكورا يتفضل ولكم جزيل الشكر لمن يشاركنا ويفيدنا بالي عنده

سلام

**أبو فهد** · 27-07-2010 19:53

ننتظر من يفيدنا عن القصة

<<<يجدد الموضوع

---------------
أبو فهد الهمزاني

**الحيمري** · 27-07-2010 23:56

شكرا ابوفهد
المشكله ماني حافظ القصه ولاقصيدتها
اللا ان السيافا في طرف القصه بالطيب قلت
يمكن واحد شقردي يجيبه لنا كامله هي و
احداثها

سلام

**راعي الوقيد** · 28-07-2010 12:22

الله العالم ان السالفة جرت يوم يغزي الامير عبدالعزيز بن متعب ابن رشيد ـ الجنازة ـ على سعدون الاشقر شيخ المنتفق
يوم يرد حدرة شمر يوم هو يقول : " والله ياشمر فلا تمالحون حب شاهين وابن رشيد والله لا اغزيه بحايل .. " !!
يوم الجنازة يقول قولة شمر المشهورة : لا صار ناوينا الا نبي نقصر عنوته يالله ياشمر ..." ؛ والتي تمثل بها الشاعر منصور الرمالي بقصيدته المشهورة :-

ونوانا الشيخ ابن هندى بحايل * وحنا من نوانا له نوينا
تحركنا ونزلنا له بعروى * قصرنا عنوة الشيخ وعنينا

وقبله قال الامير حمود العبيد ابن رشيد :-

وان كان ابن هندي نوانا ببرزان * فحنا على عروى قصرنا مسيره

الثمرة ان الجيشين يوم تقابلوا كان من ضمن فرسان سعدون السعدون الاشقر اثنين اخوه واحدن اسمه سلمان السعدون والثاني شامان السعدون
واثناء المعركة تقابل شامان وجها لوجه مع الامير الفارس عبدالعزيز المتعب وهم على ظهور الخيل فرأى سلمان مدى فروسية الجنازة
وان اخوه ليس ندا للمغوار ابو متعب فضربه بعد ان ضربه ضربة اوقعته ارضا فإستنجد شامان بأخيه سلمان فرد عليه هذا بالمقولة المشهورة :
" العمر ياشامان " !!؟

ولكم التحية

**المفضلي11** · 28-07-2010 13:38

يا حبيبي والله يا راع الوقيد

بن هندي شيخ من شيوخ عتيبه والقصيده يوم معركة عروى بين عتيبه وشمر
والسعدون شيخ المنتفق وش جاب هاذي لهاذي

**راعي الوقيد** · 28-07-2010 15:25

ياحبيبي انت يالمفضلي11

شكلك مافهمت ردي زين يالعزوة

لكن اعد قرايته مرة ثانية اغديك تفهم السالفة !!

واذا هذا اوضح لك اكثر انت تامر امر

لك التحية

**الحيمري** · 29-07-2010 00:11

هلا براع الوقيد
اولا شكرا جزيلا على الاجتهاد وان مقدر لك المشاركه
ثانيا شامان المقصود به هو السيف والقصه حدثت في
حايل في بيت من بيوت شمر سكان الجبل وصاحب البيت
كاعرفه يعني اتمام الصلح بين المتخاصمين ولكن لم يتم ذلك
وكان فيه اتفاق بين الاطراف بتنزيل صلاحهم براء المجلس وعندما
صار الكلام الحاد احد الخصمين لجا لسيف وقال العمر ياشامان ولكن
انا ضيعت السالفه كامله ولا الله قسم واحد من المتمكنين ننشده
وهي قبل حكم الرشيد على عهد(((محمدبن عبدالمحسن بن عيسى)))
السمن العرابي والقصه هي واحداثها مافيها عيب لحد وفيها طيب لشمر

وشكرا