.
.
.
شاعر الشعراء ... صالح السكيبي ...
.
.
.
فمان الله سافر للنصيب وديرة المقسوم
فمان الله سافر للحنين وحلل اشواقي
فمان دموع عيني والغرام وحبك المرسوم
مثل نقش الحجر في وسط قلبي له اثر باقي
فمان الله فاتت شرهة الخافق ووقت اللوم
لك الله مابقت غير الدموع تباغت احداقي
ولا باقي سوآ جسمٍ نحيل وناظرٍ محروم
يراقب شمسٍ أقفت من سماي وشالت اشفاقي
زمن عدآ على ذآك الفرآق اللي تقول اليوم
وانا ارشف من يمين الجرح نزفي واشكر الساقي
نبت للحلم ريش وقلت اهدّه في سماك يحوم
ولكن خآنت فجوج الوسآع وضآقت آفآقي
رحلت وكل حرفٍ مالبس منه الكلآم هدوم
تذكر يوم اصافح غيبتك وآمد خفّآقي
أنا للحين مدري هو أنا الظالم أو المظلوم
انا مدري واذا تدري تعال وفتش أعماقي
أعرف اني سقيت الليل دمع ولا ظهر به نوم
عقب مامرني فصل السهاد وحتت اوراقي
فراقٍ مر في حدب المعاني تقل اخيذة قوم....
ضحآ مني نهبك بغفلتي واستسهل وثاقي
يقولون العرب ان الآوادم ماعليها وسوم
وآنا لو ادري انك من نصيبي مآنكسر ساقي
يمر الشعر في درب الجديد ولا يجيب علوم
بقآ عندي كلامٍ من رحلت يدوّر اعتاقي
فمان الله وجّه للغياب وخلني موهوم
ابعصر الحنين في غيبتك وأعتق اشواقي
رد مع اقتباس
المشاركة الأصلية كتبت بواسطة شموخ شماليه
المفضلات