لا جديد يستحق «الكتابة» هنا... فمن العبث محاولة البحث عن اي حروف لتقديم هذا النص، يبدو بأن عنوان هذا النص يختصر الكثير من الكتابة، وبعدين...؟! عندما يكتب الرائع مشعل ذباح...؟!
وبعدين؟... يا قلب شقاه... ينبه
لا تستفز... الدمعة المرتابه
ادري تمنى شوفته... وتحبه
وادري مسبب لك قلق... بغيابه
وادري ليا هب الشمال... وهبه
تفك صدرك للهبوب... وما به
وادري وتدري راحتك تتعب به
وادري وتدري تزعل وترضا به
لكن مدامه ما يبيك اضرب به
عرض الجفا... ولا تحسب حسابه
وش شفت منه الا غلاك وذبه
وش شاف منك الا الغلا واصخا به
سويت له في كل غرفه قبه
من نور وضلوعك حرس محرابه
وخلاك تمشي في هواه مسبه
وتدور لنفسك عذر... تشقابه
ولا نيب قايل... لبه... ويا لبه
كم قلتها... ولا ضحك لك نابه
طاغي جمع مي العيون... وصبه
في جر هدي الهجر واحيا اعشابه
واقفى وخلا لك شعر يكتب به
ولا خذا... يا كود قلب ذابه
معلق بين السما... والغبه
مثل الفراغ اللي سكن باجنابه
وصوره يناجيها رنين منبه
في دار يشبهها ظلام الغابه
تكفا وهذي فوق راسك حبه
خله يولي... لعنبو من جابه
ولا تلومني كاني قدرت اسبه
عذري معي... شف حالك وما صابه
والجرح قبل انك تدور طبه
دور سببه... ولا تضيع اسبابه
واللي جفا... من دون عذر وسبه
وش تستفيد بلومه وبعتابه
خله ذعاذيع الهوا تلعب به
ويجيك لا ضاقت عليه ثيابه
كان الضيا يوم ان شوقه شبه
واليوم نيران الصدود اولابه
يا قلب لا تشره عليه وكبه
من لا يموتك عشق لا تحيا به
رد مع اقتباس
المفضلات