يصيح الليل باطراف المبانـي
يعلـم ناسهـا منهـو يعانـي .. !
تصحي صرخته ميت مشاعـر
فقد من جور الايـام الامانـي .. !
وتكتم صوته انوار الشـوارع
وترفع اكذب اصوات الاغانـي .. !
وتبكي من القهر غيمه حزينه
مطر يغسل ممـرات الغوانـي .. !
ياعطر الليل واحـلام المدينـه
ابشرحلك سبب حزن الموانـي .. !
تهاوش مدها والجـزر فينـي
شربني سلسبيـل ولا رواني .. !
تعال وقـرّب لهمسـي بعلّـم
نجوم الوقت وسهيل اليمانـي .. !
بقايـا طفلـةً فيهـا تلعـثـم
حزن شب القهر بين المحانـي .. !
يااصدق حب مرن من عرفتـك
يااكذب ليل ديجـوره طوانـي .. !
تعبت اقف على حدودك رهينه
ادورني وهمـي مـن لقانـي .. !
وعقارب غبن الايام امتحنـي
وقف مابيـن دقـات الثوانـي .. !
يدفّه ياسـي المغبـون يبغـى
يمشّي ليـل هجـرانً نوانـي .. !
تعب احساسي المنهـك يـدور
عذر لغياب من عقبه رمانـي .. !
بحضن الشوق وايـامً بغتنـي
اقبّل ميسـمً طـاع وكوانـي .. !
اغيّب حبـك بصمـت والمّـه
واعشقك ستر واخلاص وتفاني .. !
وتبقى طيف [[ ماعمري ]] مسكتـه
سكن مابين ضلعين وغفانـي .. !
ياخـذلان الخسـاره لاترجـى
يطيح العـز فخـرً مانسانـي .. !
انا في معركه بينـي وبينـك
وانا سلاحي قوي ولا يعصاني .. !
شموخً ماغفى يـوم وتوسـد
رصيف الذل ودروب الهوانـي .. !
وانا بوعدك ياضلمـا حنينـي
انامك طهر ووعودي ضمانـي .. !
تعال ولملم اغراضـك توكـل
ياليلً طب وهمـه ماشفانـي .. !
بزغ فجر الهدى وارتاح بـالً
نشف ريقه وهو بين السواني .. !
رد مع اقتباس
المفضلات