.
.
.
مع كل نص أقرؤه لبندر بن محيا ...
أشعر بأنني اقتربت من الشعر أكثر ...
رمزية بندر ... جميلة بلا تكلف ...
وشاعريته ... تشبعك ...
رائع يابندر ...
.
.
.
ذهب كل الكلام وفضته يوم السكوت نحاس
قبل مااشوفك اشوفك نهر من منبع عذوبه
احبك من زمان البرد ..احبك من زمان الياس
كثر مااصحي من ايام الوله.. وادخل في غيبوبه
انا وحدي حبيتك لو قريتك في وجيه الناس
ولو وجهك ذنوب .. مالها في سجدتي توبه
تجي مثل العزا .. بعد العزا.. في غيبة الاعراس
وتروح اشبه بدمعه .. ف الورق ..ب الصمت مكتوبه
معك حلمي من الماء.. والمياه تكذب الغطاس
ياكثر اللي غطسوا في حبك الهايج وغرقوا به
مجاريح نفاهم دربهم لعيونك النعاس
تعدوا ينشدون الصبح عن رمشك وضاعوا به
يحطبون الضلوع ..ف غابة ايامك بليا فاس
شتاهم ضحكة شفاهك .. وشافوا نار مشبوبه
وانا البارح عيوني في عيونك مرها وسواس
بنيت سنيني.. البيضاء لها طوبه على طوبه
قم اجلس في الحنايا .. قبل مايغتالك القرطاس
شعرت انك تبي تهرب ورى النسيان ودروبه
انا محتاج لك .. محتاج لي .. لا تنشد الانفاس
عن اكبر حاجه .. ف اقصى شاعرك محجوبه
جلست مقابلك وجها .. لوجه ب جنبي الهوجاس
اذا مستقبلي وجهك .. ورا الاحلام مرعوبه
تهيلتك طعم هيل .. ب فمي من بعد طعم عماس
ب فنجال نعس من نظرتك ب اهداب مصبوبه
اذا مايعشق العاشق سهر شكواه بعد نعاس
ينام احسن له .. ويمسح دمووعه في طرف ثوبه
وانا اعظم من يحب اليا هدا باله عقب مانحاس
اعيش بكبريا .. والقلب بين يدين محبوبه
مطر هذا الوصل .. يوم الهجر يملا الضلوع يباس
وعسى الماطر على يابس ضلوعي يرخي نصوبه
وانا قلبي وطن ارضه سماك .. وبيته الكراس
جبينك شمسه .. ف صبح الوله وجروحك شعوبه
انا قدامك اخترني حبيبك قبل كل الناس
او اني مثل عشاقٍ هووا رمشك وضاعوا به
رد مع اقتباس
المشاركة الأصلية كتبت بواسطة ابو ضاري
المفضلات