أمل الخبر ترى البشر نشرة اخبار
موجز وتفصيل الخبر لايضيرك
لقد ذكر ناطق باسم دم الاحبار
ان المساري ماتوافق مسيرك
وانته مخير وابلغ الناس مختار
عقلك بما يفقه وقلبك بصيرك
العز يوم انه طوى الدرب مشوار
جابه مصيره مع نحايا مصيرك
ماصدق من انه للملا قام ينهار
الا قليل اغنيتبه عن كثيرك
العلم ميدان التجارب والافكار
والفقه تفقيهك وعقلك اميرك
الصمت في بعض المواقف له اثار
والا الكلام اهون من انه يثيرك
دلوك لسانك واللغا بالسوء أمار
وحبلك نقاش وقاعة الصدر بيرك
مواكر احرار الهدد كف الأحرار
والا السماء ماتنشدك عن مطيرك
ومنازل زحول البشر عند الاخيار
قدام لاتطلبه شوري واشيرك
اما انت ياللي كن قلبي معك طار
اوجعت بكفوف المواجع عشيرك
خل الكحل يدرج على خدك البار
ماسال أرق من الغلا في نظيرك
دمع البشر ينزل على الخد مدرار
ودمعك رقا سفح الغلا عند اسيرك
بالصدر ثجاجك ونظراتك اسرار
ومستوطن فجوج المحاني اثيرك
يا الذ واشهى من هوا النسمه المار
واشم واسمى من هواها عبيرك
احساسك العذب النقي لو بدا حار
يشب في قلب الغلا زمهريرك
انا سريتك قابليه ومقدار
يوم ان قلبي في حياتك خشيرك
جيتك غلا جيتك وفاء جيتك اصرار
جيتك شعر وشعور .. وانت وضميرك !!
رد مع اقتباس
المفضلات