استفسار عن قصه وقصيده

**أخوسندا** · 29-06-2010 06:25

السـلام عليكم ورحمة الله وبركاته
استفسار عن قائل هذا البيت وقصة القصيده
قالت لصيح قلت منتي عروسي...والله لصيح اذا بغيتي تصيحين

**أخوسندا** · 30-06-2010 02:30

25 مشاهده ولا واحد رد

**ابو عبدالعزيز** · 30-06-2010 10:10

اول شئ هات الابيات كاملها وصحيحه !!

وش تبي تسئل عنه ؟ من سؤالك تظن انها لعبيد او عبدالعزيز الرشيد حسب مصادر النت هههههه

للعلم اختلف الناس قديما على نسب هذه القصيده ناس تقول

انها للهزاني وناس تقول للوضيحي وانا ارشح الهزاني

الابيات تقول

حدرت للقريه واهله غطوسي === متحزم للضد بفردن وسيفين

قالت علامك قلت اصيح ضروسي == قالو طبيبيه كان لي تداويين

قالت انا على الغلمان بنت رفوسي === ماعمر دوار الخنا دار بي شين

قال انا على الخفرات ذيب فروسي == ماعمري اجيهن وارجع بليا شين

قالت يجونك قلت ماني نسوسي == والله ليحضر ابليس وانتي تشوفين

قالت تعلم قلت ماني بلوسي == وش اللي على العلم يابنت موزين

الى اخر القصيده وهي اطول من ذلك .. الخ

وهناك من يقولها بهذا الاتجاه مع اختلاف بسيط بالمفردات

البارحة يوم الخلايق نعوسي
سريت للقرية بسيف(ن) وفردين
ولقيت لي باب طويل محبوسي
ونطيت أنا ماطال والناس ممسين
قالت يجونك قلت ماني نسوسي
والله ليحضر ابليس وانت تشوفين
قالت تعلم قلت ماني بلوسي
محدن منشدني ولاالناس دارين
قلبي يحب دقيقات الحسوسي
وحكي الخفا ماهو معالج بعارين

**أخوسندا** · 30-06-2010 21:54

مشكوور أخوي أبو عبدالعزيز على الرد... وانا استفساري عن قائل القصيده هل هو عبيد الرشيد ولا الهزاني,,وانا مثلك ارجح انها للهزاني...
ولكن رواية انها لعبدالعزيز الرشيد ضعيفه لان عبدالعزيز الرشيد ماكان شاعر من الدرجه الاولى وقصائده قليله ومعروفه

**ابو عبدالعزيز** · 02-07-2010 13:05

المشاركة الأصلية كتبت بواسطة أخوسندا

مشكوور أخوي أبو عبدالعزيز على الرد... وانا استفساري عن قائل القصيده هل هو عبيد الرشيد ولا الهزاني,,وانا مثلك ارجح انها للهزاني...
ولكن رواية انها لعبدالعزيز الرشيد ضعيفه لان عبدالعزيز الرشيد ماكان شاعر من الدرجه الاولى وقصائده قليله ومعروفه

اولا عبيد العلي لم يكن طراد للهواء ومعروف عنه انه متدين وملتزم

الى ابعد الحدود وعبدالزيز لم يكن شاعر نظم بل هو شاعر حداء

طرادين الهواء بذلك الزمان معروفين وقصائدهم معروفه ومن ضمنهم

الهزاني والضويحي فالقصيده بين الاثنين لكن لااستطيع تأكيدها

و الكثير ينسبها للهزاني والله اعلم