المشاركة الأصلية كتبت بواسطة الجازي
حي الله شموختنا
ايه من قدك على هالأريكة فالتها
ماودي أسألك أخاف أجيب العيد أنا وأسئلتي
بس بما إني مريت لازم أسدح لي سؤالين ثلاثة لزوم البريستيج
* علاقتك بالشعر النبطي متى بدأت بالتحديد !! ؟
** الشعر الفصيح هل له مكانة في نفس شوشو ,, أو النبطي غطى عليه وماله حظ عندك؟؟ <<< هالفيس عشان تجاملين شوي في الإجابة
*** من أي أنواع الأمهات تصنفين نفسك : الحنونة , الحازمة , المطنشة!!؟
**** بكل صراحة وصدق : من الأقرب لقلبك : رنا ولا عموري
كنت قايلة سؤالين أو ثلاثة !!
زيدي عليها أو أربعة
عاد جاوبي إجابة سنعة مابي أجوبة دبلوماسية
عساك عالقوة
وكل الشكر لإيثار على هالاستضافة
هلابهالطــله
حضورك له نكهه خاصة ياملي
الصراحه ماني شاعرة ..لكن أحب الشعر واذا طلع مني كم بيت ماأكون شاعرة
لكن أحب الشعر النبطي كثيرآ ...وكتبت قصائد مرثيات بوالدي ولم اكتب بعدها الا البويتات اللي كتبتها هنا بالمضايف ..
اما الفصيح مااحبه ... لكن يعجبني شعر الامام الشافعي كثيرآ
على أن ابوي الله يرحمه كان شاعر فصحى ولايحب النبطي لكن سبحان الله ماطلعت مثله ..طالعة لجدي من أمي
اما عن الامومه حنونه لابعد حد بس مع هذا دايم أضربهم << وتقول حنونه
اما من الاقرب من اولادي الصراحه عمور أقرب لان البنت عوبا ومدلعه وماتشوفن شين
شكرآ لحضورك يابعد حييّ ونوّرتي المتصفح ياالغلا
رد مع اقتباس
المفضلات