السلام عليكم
بالخير ربعن و ربوع
هاليوم جبت لكم سالفة طازه
من الفرن للبطن مباشرة و بدون وسيط <<<مقتنع انكم تبون تصدقونوه
أكا اليوم يحتسي علينا شايبن
بسالفتوه
صراحة سالفتوه له من العنوان نصيب البربري من البرسيم
يقول :
بسنة من السنين هبت علينا شمالية بليلة بردية
وقته كان معي ددسن 77 غمارة و نص لونه صحراوي
و حنا نقطع شعيب الأملح بسلمى
يمار والله نشبنا لنا بأثله
و كان معي بالموتر أبو صلفيدز و أبو مبيريتس (بعدين اقولكم وش اسم الشايب)
يقول و السيل طمر الموتر و حنا نرقى على التنده
يقول و انا اتشبث بالأثله يما رقيت أعلاه
و أنا أفل شماغي و أقمز قمزة الطيارين اللي بالتلفزون (قصده الطيران الشراعي
و انا أصير على جال الشعيب
و أنا القى لي داب طوله 9 امتار
و انا امصع راسوه و أشق جلده بلي قديمي محتزمن بوه
و انا آخذ جلدوه و الويه يما غدا لك مثل الحبل أو رسن الفرس
و انا أرميه لأبو صلفيدز و أبو مبيريتس
وهم يشبكونوه بالصدام
و انا أتحامل على عمري و أنا و الددسن معارك
يما قشعتوه هو و الأثلة اللي ناشبتن بوه
يوم الله فكنا من هالشعيب و من علينا بفضله
قلت يبو مبيريتس اقطع من هالأثله و شب لنا
نبي ناكل عقب هالتعب
وهو يشب و أنا أقطع لهم من هالداب اللي مصعت راسوه من شوين
و حنا نشلوط هاللحم و ناكل و نعين خير
و أخذت شماغي و ربطته مثل القربة و انا املاه من الشعيب و نرتوي عقب العطش
يوم استصحينا و حنا نركب موترنا و أشغل عيا يشتغل
أثري الدنيا ترطش من الماء
و حنا نتحامل الددسن فوق روسنا و نهزه يما نشف من الماء
و حنا نسري يم ربعنا بالنعي \\\
--------------------------
راع السالفة اسموه الحركي (أبو نهته)
و تقبلوا تسذباتوه
-----------------
أبو فهد الهمزاني
رد مع اقتباس
المشاركة الأصلية كتبت بواسطة ابو ضاري
المفضلات