الرطب

[أبو رغد]

صحة وهنا


مافيه جوع ولا اهتويت الحشيفه
...................التمر واجد باختلاف المذاقي
صقعي خلاص وحلوه نبوت سيفه
............... وبرحي وغرا وسكري له دباقي
ياتي من الساحل(حساه وقطيفه)
..............ومن نجد وحجازي وشام وعراقي
ولا ابخل على نفسي وحالي مريفه
..................الحمد لله واسع الرزق ساقي
لكن ربيع النفس عندي وكيفه
.................رُطبْةٍ فريده ماحملتها العذاقي
حلوه تحلواها النفوس العفيفه
....................وتذل له غصبٍ طوال العناقي
له طعم غير وشكل غير وطريفه
..................تسيل له أرياق وتاسع حداقي
تشبح لها حتى العيون الكفيفه
...............وتركض لها رجل الكسيح المعاقي
تذوب من تلمس جسدها الشفيفه
......................وتمر مثل المي عبر التراقي
سعراتها مليون ومع ذا خفيفه
.....................عجايب الارطاب! والرب واقي
مستفرده عن التمر ، فوقه منيفه
........................لكن عذروبه صعيبة مراقي
من سحرها نفس المولع مهيفه
.......................ياحول مابقت بعقله بواقي
مار الخلف له في تناتيف طيفه
...................مادام محروم لشهي المذاقي

[متعجب]

صح لسانك ابو رغد

وين أهل المحلاّت عن قصيدتك ...تصلح دعاية تسويق

[الكاتم]

كان ماهي تمرة نخل الجنة >> اوماهو لغز اسم تمرتك المفضلة

صح لسانك

[بتول آل علي]

صح لسانك يا أبو رغد


جاءت القصيدة في موسمها

جميلة هذه الشاعرية

و التشبيه المتقن بين المحبوبه و التمره



صح فكرك



أختك

الدهور

[أبو رغد]

صح بدنك ابو عبدالرحمن

بهديها للديوانية أربهم يمونوني بالتمر كم موسم

شكرا لحضورك يالغالي

تحياتي

[أبو رغد]

صح لسانك يالكاتم

هي تمرة نخل الجنة الله يرزقنا وياك الجنة

شكرا لحضورك

تحياتي

[أبو رغد]

يا هلا بمشرفتنا الكريمة

تعليق رائع واعجاب بالتشبيه معتبر

أشكر حضورك المميز

تحياتي

[رادار الحرف]

ابا رغد
اختيار موفق للعنوان والمضمون
فأنت مواكب للحدث
وبيني وبينك هاليومين لو كان ماهو وقت استوى تمر، سيستوي من الجو.

لكن وين فنخا حايل ؟

من القطيف للحسا والشام والعراق ، لكن لاتقمز ديارنا الحبيبه التي

يوجد بها الكثير من النخيل الطيب كشخصك الطيب.

ابا رغد ، طرقك رائع وغزلك عفيف واروع ، وقد اجد نفسي مقصرا في التعليق على نصك الجزل.
فالتمس لأخيك العذر يحفظك الله

رادار الحرف

[أبو رغد]

يا هلا ومرحبا برادار الحرف

قريت تعليقاتك هنا وهناك غالبية عليها السلمية وش العلم

بالنسبا لتمر ديارنا ما قمزته طال عمرك لأن قلت ((ومن نجد)) وهي تشمل تمر الخرج والقصيم وحايل

و((حجازي)) تمور المدينة
و((شام)) حلوة الجوف وما جاورها
والعراقي البرحي <<يا جالب البرحي ترى السوق عزل

لا هنت على تعليقاتك الحلوة والسلمية أخي رادار الحرف

تحياتي

[جمران]

صح لسانك

لاهنت