احبكم ياكبار بس بشرط ..؟؟

[سلام]

السلام عليكم ورحمة الله وبركاتهـ ..


الكبار ..الصغار ..


طبعا موضوعي ..

يمكن يزعل الكبار ويفرح الصغار حالااتي ..

/ اصغر القوم خادمهم ..

مثل غثونا فية الكباار ..بكل مكاان ...

والصغار حالااتنا متوهقاات ومتوهقين ..

كبار ع العين والراس ..

كبار فداكم حنا واصغر الصغار ..كبار نحترمكم لو ايش ماكان ..

بس ..مش معناة ينسكتون الصغار ..شيء اكيد الاحترام ..وشيء واجب احترام الكبير ..

لكن في شي يغثن ويغث الصغار حالااتي..

احيان كثيرة ..الكبار يغلطون ع الصغار ..او بمعنى اوضح ..يخالفون في اشياء وبمجرد معرفة الصغار فيها ..
ولما يتكلم الصغار الناس اللي حوالين الكبار ..مايخلون أي مجال للصغار للعتب وتحذير الكبار وتذكيرهم بالغلط ,,

يعني اذا غلط الصغير الكل يعاتبة والكبير علية التوبيخ والضرب اذا حد علية ,,
لكن ان غلط الكبير وعرف بغلطة الصغير وبداء بالعتاب او الهاوش الكل يعاتبة ويقول عيب هذا كبير وعليك احترامة ..

او اذا صادف خطاء من كبير او سوء فهم او مواجهة بينة وبين صغير وكان الصح ع الصغير استحالة ينكذب الكبير ويعترف بصح الصغير فقط الصغير ينعاتب وينهاوش وينضرب وينكذب ..لكن اذا اتى الامر للكبير صار كل شيء عكس ..ويجب ايقااف أي عتب او هواش للكبير او حتى توضيح خطاءة ..

احنا هنا مانقوول عدم احترام الكبير او اقوول يرفع راس الصغير على الكبير ..

كل اللي اقوولة ..اعتراف الكبير بخطاءة امام الصغير وعدم تقليل من حق الصغير بمجرد انهم يخافون ع الكبير ويخافون لاالصغير يكبر راسة ,,

يعني طول عمرة الكبير يخطيء ومسموح لة ولاينعاتب من الصغير علما بأن هنالك من الصغغار من اهم اعقل وافهم من الكباار ,,

هذا عتب بسيييط مني ,,

حتى لو كان شايب ,,الخطاء لازم يصحح للكبير اذا صدر منة حتى لوكان مصححة صغير ..
يعني تراا اتكلم بنظري بس ..اذا اخطاء كبير ..عندي اواجة بخطااءة لو ان كل البيت ضدي مع عدم التقليل من شأنة او عدم احترامة ,,فقط من حقي اقول ياكبير تراك اخطييت ..




فيهأأ شيء يأأأناااااااااااااااس ..



>> الكباار بالله ردوود حقاانية لو سمحتم ..

>> الصغار خلكم جنبي ..


دمتم بسعاادة ..

[أبو فهد]

حقيقة تستحقين نوط الاختصار على هالموضوع الذي لا يتجاوز 10 مليون حرف




<<<<ناشب لهالشغلة




والله في مجتمعاتنا تعودنا أن من يحاسِب هو الكبير و المحاسَب هو الصغير




و هذا هو اتجاه اجباري لا يمكن عكسه أو تجاوزه




-----------------
أبو فهد الهمزاني

[رضا الزميلي]

أهلاً وسهلاً بكِ يا سلام

أنا أكبر منكِ بسنة << حسب عمرك الموجود تحت اسمك

ولكن .. من الصعب جداً أن يتقبل الكبير الصواب من الصغير

أفضل حل .. هو اتباع طريقة سبطي الرسول صلى الله عليه وسلم .. الحسن والحسين رضوان الله عليهما .. بأن توصل وجهة نظرك بطريقة ( غير مباشرة )

شكري وتقديري يا نقيـّــــة

وأشكرك على الاختصار مثل ما قال أبو فهد << يدور الجلده




رضا الزميلي

[سلام]

بو فهد ..







انت لو تتركني كان اصير سنعة واختصر ..مير ابلشتني انت وبو فارس ..وبعدين التعب علي والا عليكم ..هههههه



انا ماتكلم عن الحسااب اعرف ان الكبير هو اللي يحاسب ..لكن لابد من تقبل توجية الصغير وعتبة للكبير بدون اي قلة احترام ..




شكرا ياخيي ومية شكر ..






لاهنت

[سلام]

هلا بك ياخيي رضاا ...


فعلا الكبير مايتقبل وعلية الصلاة والسلام لو الكل يتبع توجيهاتة كان حنا بخيير ..



شكراا ياخييي ..




لاجلدة ولاشيء انت وبوفهد وغيركم من حقكم تنووهون وتوجهون صحيح انا ماختصر لكن وش اسووي ..؟؟




شكرا لك ولحضوورك يانقي

[عبدالله المهيني]

يتصف الشرقيين في أغلب الأحيان بالمكابرة وعدم الخضوع لمجرد الفكير بالإعتراف بالخطأ

فكيف بالإعتراف الفعلي

( هذا بخصوص الكبار بالسن )


لذلك تولد في علاقة مرتبطة بالسلوك السابق سلوك طردي عند الصغار

بأنهم يبحثون ويتصيدون الأخطاء على الكبار

وفي أحيان يغلبهم التسرع مما يجعلهم يقعون في خطأ عملية توصيل الملاحظة للي أكبر منهم

لذلك دائماً ماتجدهم يلعبون على وتر الفضيحة للكبار أمام من هو موجود دون قصد منهم



هنا يصبح خطأ الصغار أعظم من الكبار

مما يجعلهم فريسة سعله لمعاتبتهم على ماسلوكه




( يمكن فلسفة ولكن أنا مؤمن بها )

[سلام]

بأنهم يبحثون ويتصيدون الأخطاء على الكبار



>>> ماتقصد الصغار طبعاا هههههههههه



والله مالومهم ..الصغار السبة من الكبار خلوهم يدروون الغلطة والزلة منهم ..





فلسفتك مقبوولة ومرحب بها اخي الاكبر ..





ودي

[عبدالرحمن]

اصغر القوم خادمهم ..

مثل غثونا فية الكباار

سياتي اليوم الذي تتمسكين بهذا المثل!
سأشارك بموضوعك اذا استطعتي نفي هذا الشي!

لك تقديري اختي الكريمة سلام.

[سلام]

هلا وغلا باخووي الكبير ,,بو يووسف ,,



مشاركتك وصلتني هناا ..قبل ان تصلني في موضوع النفي ..





والنفي ..ماراح انفي ,,انا تحتي صغاار كثير ..ولامارست عليهم هذا المثل ..





شكرا ياكبير ,,




لك الاحترام ,,

[ريم شمر]

هولاء الكبار كانوا يوماً صغار .وكانت تمارس عليهم تلك الوصايه
والصغار سيكبرون يوماً ويمارسونها على الصغار

هي دوره الحياة وسننها

وعموماً غاليتي سلام ....كلما كبرنا عرفنا اننا كنا اصغر من ان نستوعب مايجري !!


في صغري كانت والدتي تمنعني من اشياء كنت احبها كان عقلي الصغير لايرى الا بريقها وغلافها الخارجي

حينما كبرت فهمت .....وكل يوم اقبل جبينها شاكره لها هذا الفضل


تقبلي ودي ..