السلام عليكم و رحمة الله
صبحتم بالخير
ادري مبطي عنكم
العذر و السموحة من كلكم
نشدتن و قرقعت بتسبدي
لي كم من يوم و انا احلله و أقلبه براسي عيّت لا تنحل
النشدة كالتالي :-
كفر السيارة لا صار معبأ هواء
و مشت السيارة
هالحين الهواء اللي داخل الكفر يدور مع دوران الكفر و لا ثابت
نبي اجابة مع التعليل
يعني يلزم ذكر سبب الإجابة
دمتم بخير
-----------------
أبو فهد الهمزاني
وعليك السلام والرحمة
والله مدري يابوفهد ماعندي سيارة
مير لاخلونا نسوق راح اجاوب على نشدتك
وشنوح مالك شوفة بالمنقول
وأن أردت التفاخر بشيء
ذكرت { أبي } لا أكثـر ..!
الله يهديك ... بس يابوفهد ...
يدور مع الكفر ليه ... ؟!
ما عنده شغلة ...
الوكاد والله العالم انه يدور معاه ....
لانه بالفيزياء ... انه الاجسام اللي تكون فوق شئ متحرك ... تتحرك معه ...
مثال عندك لا وقفت السيارة فجأة ليش نروح قدام ونصدم الزجاج !! لان اجسامنا كانت تتحرك بسرعة تحرك السيارة ...
دوختنا من هالصبح ... الواحد ماله خلق يشغل مخه
شف بما اني اول ميكانيكيه سعودي اتوقع شسمه هذا
اكيييييييييييييييييييييييد يدور مع الكفر والله حاله لييه مايخلووننا نسووق
اول ماتتحرك السياره يدور مع الكفر
وبعدين يدوخ ويبقى ثابت محله
اعزف على عود المشاعر تقاسيم
.... شفني جمعت اضلاع صدري لك اوتار
الهواء يدور مع الكفر
لان الاشياء المتحركه تدور اللى معها
شف ابو فهد يمدحون النيتروجين يقولون انه مايدور ولا يسبب حراره على الكفر عكس الهواء اللي يسبب حراره
وينفقع الكفر
N2 هو الحل مع الحراره العاليه
ابو فهد هات المقرفون بالله ..
احم احم
في الحقيقه والواقع اخوي ابو فهد ... اانا اعتقد بأن الهواء الموجود داخل الكفره
يدور عكس عقارب الكفره >>او ماتجي
سؤال وجيه وصعب ...نترك الرد لاهل الخبره والاختصاص ...
لاهنت
اغضب فإن الأرض تُحني رأسها للغاضبين
المشاركة الأصلية كتبت بواسطة شموخ شماليه
وعليك السلام والرحمة
والله مدري يابوفهد ماعندي سيارة
مير لاخلونا نسوق راح اجاوب على نشدتك
وشنوح مالك شوفة بالمنقول
حياتس يا اختي
طيب السواقة ممنوعة
أجل بننشدتس عن هواء كفرة السيكل <<<<تحجير
أما عن المنقول فلي معه سالفة بس بمنتدى ثاني
طبعا ما افهم بالشعر و هذي عقدتي في رواية القصة و القصيدة
الراوي او النساب اللي ماعنده شعر أو ما يحتفظ بالشعر في مخيلته يعتبر بنظري أسقط ركن من الأركان الروائية
طلبت سابقا من الاخوان الشعراء عقد دورة بالشعر و لم اجد تجاوب و لربما كان هناك ما يشغلهم
أما عن سالفتي مع الشعر في المنتدى الآخر
الله أراد أكون أول الرادين على أحد القصائد و اجزلت في امتداح القصيدة
و بالأخير طلعت القصيدة خاطرة و ليست قصيدة
و انكمش وجهي
و قررت ما اتفلسف بشغلة ما اعرفه
------------------
أبو فهد الهمزاني
الله يهديك ... بس يابوفهد ...
يدور مع الكفر ليه ... ؟!
ما عنده شغلة ...
الوكاد والله العالم انه يدور معاه ....
لانه بالفيزياء ... انه الاجسام اللي تكون فوق شئ متحرك ... تتحرك معه ...
مثال عندك لا وقفت السيارة فجأة ليش نروح قدام ونصدم الزجاج !! لان اجسامنا كانت تتحرك بسرعة تحرك السيارة ...
دوختنا من هالصبح ... الواحد ماله خلق يشغل مخه
و أنا معك أنه يدور بس موب بنفس سرعة دوران الكفر
لاهنت يا حيي
------------------
أبو فهد الهمزاني
شف بما اني اول ميكانيكيه سعودي اتوقع شسمه هذا
اكيييييييييييييييييييييييد يدور مع الكفر والله حاله لييه مايخلووننا نسووق
عوذا منكم كل شي تبونه
<<<يبي يجيه صاج عالطاير
والله يوم ان الله كتب و ابو عبدالله موجود معنا بهالموضوع نبي نفتح لنا ماضوع عنده بالعام لمناغشة الأمر
حياتس
-----------------
أبو فهد الهمزاني
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات