المشكله
محمد الحارثي
المشكلة زهرة شبابك لا استقرت عالمحك
ما عاد تدري وش تسوي تبكي ولا تبتسم
لا صار اعز انسان عندك ريح دايم تلفحك
من بردها تغزي عظامك لين تصفق بالعظم
ومشكلة لامن وثقت بشخص وقلت بيمنحك
من طيب قلبه والمحبة ثم يخيّب هالعشم
بيستحل الحزن في قلبك وناره تقدحك
وتضيق بك دنياك لوك مترف بكل النعم
ارجوك تسمع ياخفوقي قبل خلك يجرحك
جرح الحبايب ياخفوقي صعب والله يلتئم
وخذها من عندي نصيحة يا خفوقي بنصحك
عشان ما تذبل معاليقك وتشعر بالألم
وقبل صدمات الزمان القاسيه لا تذبحك
وقبل لا تصبح ضحية من وجود اليا عدم
وقبل ما طيش الأيادي من وعائك تنضحك
وقبل ما انته تختنق وادوّر شوية نسم
بقول لك حاجة وابي تسمع عشان اريحك
من لا يحبك لا تحبه لا تعده شي مهم
لا تربح اللي يخسرك بس اربح اللي يربحك
خلك عزيز النفس شامخ مسكنك فوق القمم
لا تلتفت للي كذا من نص عينه يشبحك
من لا يحشمك لا تحشمه واحشم اللي ينحشم
واترك دروب الحب وانساها قبل لا تطرحك
وتصير في هاذي الحياة بلا هوية او اسم
اللي يحب اليوم يفرح ويتمتع بالضحك
بكره على خده دموعه من جروحه تنرسم
هاذي ترى كل الحكاية قلت ابحكي وانصحك
عشان ما تندم في وقتٍ فيه ما يفيد الندم
رد مع اقتباس
المشاركة الأصلية كتبت بواسطة ام الرغفان
المفضلات