بشير اللويش .. و .. سعيّد العمودي .. يضيئان .. فيّ وهجير
السلام عليكم ورحمة الله ..
في يوم الجمعه الموافق 21-6-1431 هـ أنار شاعرانا
بشير اللويش و سعيّد العمودي جريدة اليوم عبر منبر
فيّ وهجير ..
حيث أبدع الغالي ابوسلطان من خلال ظهوره
عبر (لآلىء شعرية ) في فيّ و هجير بثلاث لآلئ
يقول فيها :-
بعض البشر حيٍ وصيته توفّى
.............وبعض البشر لومات صيته بقى حي
واف الخصال وبالفعايـل موفّى
..............ما كنّـــه إلا نجــمــة تشتعل ضي
ناره تاجـج يـوم غيره مــطفّى
..............تشــهد لـــه الايــام والـزاد والـمي
صح لسانك يالرائع وبالتوفيق يابوسلطان ..
وأطل علينا الرائع سعيّد العمودي بقصيده من
قصائده الجزله يقول فيها :-
البارحه ريما وجرحي والغياب
تعاهدوا يرمون قلبي للجحيم
ذيك الفتاه المرهفه مثل السراب
خلتني أسرح مع ترانيمه وأهيم
المترفه بنت المطر أخت السحاب
يزفها للبال بشويش النسيم
أحتاج له تمحي تفاصيل العذاب
وتصير للسهران واحزانه نديم
يمكن شهر واكثر وانا حلمي جواب
تجيبه النسمات فالليل العتيم
الله يسامحها على هـذا الخراب
خلتني اجنح للزعل وانا حليم
غريب والشاعر نسيج الاغتراب
كل الجروح أعوان للهم القديم
وما بين موت الحب وآمال العتاب
صورت له نار التجافي والهشيم
يفضح شعور ضاق في دفة كتاب
ويساوي البسمات بالجرح الاليم
يفتح شبابيك الفرح والضيق باب
يكشف اماني مبهمه فيني تقيم
يشرح جمود الحب قبل الانسكاب
يبني من اللاخط خطٍ مستقيم
ياخذ من الغيمه مشاريع التراب
اصعب سهل ينحاز للطرح السليم
له في متاهات الزمن رحلة اياب
ويداعب اوجان الامل مثل السديم
كم ضاقت صدور الفرح بالاكتئاب
من قبل يمشي للمسافات النعيم
هي مرحله صعبه محاذير ومصاب
نشاز غنى حسها الصوت الرخيم
وأيقنت بأن الفلسفه ماهي خطاب
وإن الليال المقبله مجد الغشيم
وان التواصل مسأله غير الغياب
وان الغلا يندان للجرح الاليم
جزل كالعاده ياسعيّد صح لسانك وبالتوفيق..
آسف ع التأخير ..
رد مع اقتباس
المفضلات