مهر البكر 8 آلاف ريال والثيب 6 آلاف في السعودية

[شموخ شمالية]

أشكر الجميع ع المرور والحضور

ولي عودة للرد على واحد واحد عجزت لاارد من كثر الردود ماشاءالله







الجازي تعالي ساعدينن ياجدي والله لو اكتب لين بكره والله مااخلــص

[ام الرغفان]

يعني الناقه اغلا مني<<ماتبي تقول عنز هههههههههههههههههههههههههههههه


قال اعرست قال ايه قال مهرك كم قال 8قال اجل ماعرست


يسلمو شمووووووخ

[شموخ شمالية]

والله وال...


ألعن ام الهياط ههههههههههه

يعني اللاب توب أغلى من المرأه !!!!!!!! ههههههههه

ياناس سفرة اسبوع ماتكفي 8 آلاف !!






صراحه الناس مبالغين بقضية المهور


بالله واحد يشتري جيب قيمته 190 ألف ويقول المهور غاليه !!

والله واحد أعرفه ما أعرس للحين وتوه شاري الجيب قلتله لو أنك معرس أشوى لك قال والله المهور غاليه

قلت له والله انك سفيه والله اشتر ي سياره وأبني شقه وأعرس بهال190 ههههههههههه





شعب ضحك عليه بقضية المهور



المفروض يدورون موضوع غير هالموضوع



فيه قضايا أهم ...!

واللي يبي يعرس مايفكر بالمهر

ألى مايبون يزوجوني

شكرآ شمووووخ شماليه

هلابك اخوي العمدهـ

والله حيــّوه



كلامك صحيح والمفروض المهر ع الاقل 50 الف

والا الدنيا الحين غاليه ويالله يكفي هالسعر

الله المستعان



شكرآ لمرورك يالطيب

[شموخ شمالية]

والله شي مايزوجون واحد من فبيله ثانيه

هلابك اخوي يوم الرحيل


لاالضاهر بس عيال القبيله

شرفتني حضورك الطيب

[شموخ شمالية]

حنا عائلتنا محددين المهر ..


80 ألف + بيت للمقتدر ..


و 50 + بيت لغير المقتدر ..


وصلى الله وبآرك ..


لآهنتِ يا ام عمر ...



والله يقدم اللي فيه خير ..


وبالنسبه لغلآء المهور ... ينتج من غلآء المعيشه ..



...


أخوي منصور الغآيب ..


الحكم الشرعي لتحديد المهور الله أعلم به ..


ولكن من وجهة نظر شخصية أرآ ان مافيه شيء لآنه ييسر على الشباب الزوآج ويشجعهم على ذلك بدل العنوسه الحاصله ..


وكل واحد يشد حيله عقب الزوآج ... ويجيب لزوجته لبن العصفور ..


...


شكري ..

هلابك يالغلا

الله يحفظ عائلتك ويسعد قلوبكم

اكثر الاســر بحايل حددوا المهر بس الاكثريه ماتمسكوا فيه



مرورك اسعدني يالغاليه

[شموخ شمالية]

انا ماأيد هالعمل

لان المهور تتحدد بينهم وبين

اما اجي واهضم حق هالضعيفه
المظطهدة من مجاميعه

انا اعتبره ظلم وعن البنات ماتزوجن

شين وقوي عين < مدري شدخلها


شموخ ثانكس الوط

هلا حبيبتي


معناها انتي مع حزب المعارضين بتقليل المهر


صحيح هذا ظلم لها مهر بـ ثمان الاف


لكن كل ماقل المهر صار العرس فيه بركه >> وجة نظر




مرورك اسعدني يالغلا

[شموخ شمالية]

طيب إنتم وش حارق رزكم ..!؟

هم قبيله من عرض هالقبايل و حددوا المهر ، وش فيها ..!؟




.
.

هلابك يالغلا


وجة نظر يالغاليه والكل يبي يدلي بــ دلوه

تحديد المهر حلو بس مهو لهالدرجه حرام والله




مرورك اسعدني ياجدي

[شموخ شمالية]

الله يهنيهم

ان شاء الله تكون عندنا

هلابك اخوي الضاري


ان شاءالله راح تقــّل المهور لان بهالوقت كثرت العوانس
وقــّل الرجل اللي فيه خير

الله المستعان



لاهنت على المرور

[شموخ شمالية]

الله يجعلهم بالجنه ويسعد عيالهم وبناتهم




انا صراحه ابارك هالعمل...وبنفس ماأييد تنزيله لهالمبلغ الزهيد




يعني العدل


50 الف وسكن مستقل



يرضي جميع الاطراف



وياليت يعمم على الجميع

هلابك مديري العزيز



والله عوايل عندنا ياخذون 150 الف.... بس كل شئ عليهم
والعريس يجي هو واهله ضيوف


بهالوقت كل شئ صار غالي مهو زي اول .....ابوي الله يغفر له زوّج اختي الكبيرة بـ 500 ريال
وهي الان أسعد اخواتي وخذت شيخ الرجال

البعض يقول هذا تقصير بحقها قال انا اقتدي بالرسول واصحابة






الحين كثر المهر بس مافيش رقاله





مرورك اسعدني وشرفني

[شموخ شمالية]

ضيّع منصور

ماعليك وانا اخوك ، خل قلبك جامد


/


اختي شموخ

الله لا يهينك على هالموضوع


إذا هو يبي يتزوج بـ 8 الاف ، اجل يبي يسكّنها ببخشه البخشه من بخشات ديرتهم

/

أقول :

مثل هكذا بوادر لا اعتقد انه تحل مشكله فالزواج بحد ذاته ليس مشكله " عويصه " كان بودّي انهم يتكاتفون ببناء مساكن للمتزوجين الجدد بإيجار منخفض وكذلك توفير فرص عمل ذات مردود مالي مناسب .. إذا ارادوا المساهمه في حل جذري لإصلاح المجتمع.

يوجد في كل مجتمع رؤوس اموال ولكن للاسف لا يتم استثمارها في مجال مساعدة مجتمعهم ..


مداخله على السريع

هلا بــ ابوالجميع

والله حيــوه ....وخوش مداخلة والله ..كلامك عين العقل وفكرة تحل مشاكل كثيرة وتساعد الزوج
بتخطي صعوبات كثيره بحياته الجديدة


مشروعك يستحق المناقشه شكلي ابي اسرق فكرتك وانزلها بالمضيف العام !!



مرورك شرف استاذي القدير الله يحفظك