هلابك أخوي عبدالرحمن
نعم الرجال اهل بالقرن وهم اكيد شافوا كثرة العنوسة
وقالوا مافيه الا هالحل !!
لكن بنظري هالمهر قليل لان الدنيا الحين غاليه ..
على مااعتقد ان المهر محدد لولد القبيله فقط اما الاجنبي يدفع وهو مايشوف الدرب
مرورك أسعدني استاذي القدير / الله يحفظك
وأن أردت التفاخر بشيء
ذكرت { أبي } لا أكثـر ..!
لا لا لا هذا ظلم
يقول لي واحد من تجار الحمام الجوز من النوع الفلاني بتسعه الاف ريال
بس ماعليكم اللجنه وشيخهم يبون يجددون والشؤن مايكفيهم
شكرا على الموضوع
يالربع انا غثوني
اللي يحسبون المرة لها قيمة!
فهذا يقول سعر العنز بكذا!
وهذا يقول سعر الجمل بكذا!
وينسون ان المراة مالها قيمة!
نعم المراة مالها قيمة نهائيا
نعم المراة مالها ثمن!
ولا حتى ريال واحد!
المراة انسان > احلف!
المراة فوق الفلوس
واثمن من اي ثمن
وما يقدم لها من مهر
ماهو الا شي رمزي
لزوم تجهيز نفسها ويوم الحفل
فالرجاء ابتعدوا عن تثمين المراة!
الجازي جهزي الرشاش!
فيه ناس تستحق الرش!
واولهم متيح!
عالج بؤر التوتر مبكرا
وانس احزان الماضي
لكن
لاتنسى ان تستفيد
من اخطائك ولا تقل لو .
---------------
أحذر تعيش الوقت من دون عنوان
ولا تســــــوي للمبــــادي إبــادة .
هذا ليس تخفيفاً في شيء
إنما ماتم هنا جريمة بحق المرأة
8 الاف ريال مهر للبنت
وحفلات زواجهم تصل إلى أكثر من 60 أو 70 الف ريال
من أراد التخفيف على الشاب فليبدأ بنفسه أولاً
وليتم إلغاء هالحفلات اللي ماأنزل الله بها من سلطان
أو عمل حفلة بسيطة لا تكلفه هالمبالغ
قم يتجهون لتحديد المهر بعد ذلك
وأعتقد أن مبلغ 40 أو 35 ألف ريال
ليس مبلغاً كبيراً يعيق من يريد الزواج
وليس مبلغاً مجحفاً للبنت لتتجهز للزواج
أما 8 الاف ريال
والله ظلموهن
بلقرن
حسيت بانتماء
الحين بالله ثمان آلاف وش تسوي !!؟
أربعة للآي فون وأربعة لاب توب ومستعمل بعد
وبعدها تقعد عالحصيرة
تحديد المهور غير مشروع <<< والله وصرتي تفتين
بصراحة أنا بناء على قصة عمر بن الخطاب رضي الله عنه لما كان يخطب عن المغالاة في المهور وينهاهم عنها ,, قامت وحدة من النساء وقالت له : ليس ذلك لك ياعمر ,, يعطينا الله وتحرمنا !!؟ أليس الله تعالى يقول : ﴿وَآتَيْتُمْ إِحْدَاهُنَّ قِنطَارًا فَلاَ تَأْخُذُواْ مِنْهُ شَيْئًا أَتَأْخُذُونَهُ بُهْتَاناً وَإِثْماً مُّبِيناً﴾
أطرق عمر وقال : أصابت امرأة وأخطأ عمر !!
معناها مو من حق أحد إنه يفرض حد معين للمهر ,, خصوصاً إن البنت هي اللي بتتجهز للزواج مو شيوخ القبيلة
إذا بيحددون لايحطون مخالفة تسد النفسولا يبالغون في التحديد ,,ممكن يحطون مكافأة للي مايتجاوز الحد الفلاني ويخلون المكافأة سيارة بورش
عندنا في نجد متوسط المهور تقريباً خمسين ألف ويعتبر مناسب نوعاً ما بعيداً عن ترتيبات الحفلة
أذكر مرت علي قصة بصراحة ما أدري عن مصداقيتها بس مضمونها حلو
واحد تزوج وحدة وكان أبوها مثالي بزيادة فطلب مهرها ريال واحد وهو اللي تكفل بتجهيز بنته ,,
المهم هالزوج شكله ملكع ويمزح في الطالعة والنازلة بس عاد مزحه ماصخ
صار كل ما انفتحت سيرة أو شرب بيبسي قال لها تراني ماخذتس بقوطي بيبسي<<<< طبعا قبل مايزيد سعره ويصير بريال ونص
ومرات يناديها ببسية<<< والله دلع حلو
وأحياناً يقول بأربع ببسيات أتزوج أربع حريم
المهم البنت كانت تمشيها له مرة مرتين ثلاث بس ماش شكله وجه ابن فهره ولا ينفع معه الذوق ,,
استهبل عليها مرة وراحت لبيت أهلها قال أبوها ليه عسى ماشر قالت يايبه الله يهديك جنيت علي صار يعيرني بالبيبسي ويقول أخذتك بقيمة بيبسي !!
قال أبوها طيب يصير خير ,,
حاول الزوج يرجعها بس ماكانت ترد عليه ,, قام أبوها وعزم زوجها وأبوه وعمانه وأخوانه
يوم قلطهم على الغدا قال لأبو الولد : اسمع يابو فلان هذي ثلاث بباسي (( وفي رواية ببسيات )) بس خل ولدك يرجع بنتي
طبعا الأبو مايدري وش القصة بس الولد فهمها وطاح وجهه ,, يوم عرف أبوه السالفة ماقصر فيه وهزأ ولده لما قال بس
وجاء بعد كم يوم ومعه مية ألف ببسية قصدي ريالمهر للبنت وتعويض عن كرامتها المهدرة
ورجعت لزوجها معززة مكرمة
بس بصراحة أبوها خطير الله يخلي لنا أبّهاتنا <<< قلبت مصري
لذلك رجاء بلا تدخل في شؤون الصبايا ,, المهر حق للبنت مايجوز إنكم تحددونه عشان خاطر هالشنبات
اللي بتبالغ في مهرها لاتتزوجونها إذا ماتقدرون![]()
واللي مهرها متوسط ما راح تعجزون عنه
وزبدة الهرج نيشان <<<<< وين الزبدة بالله
تم بحمد الله
يانسمـــة الــــوادي ,, ياوردة بــــلاديحايل ربى الشادي ,, يانرجس وكادي
لايغثونك ابد
الناس تعرف اللي انت تعرفه ان الحرمه لايوجد لها ثمن لكن المهر حق من عند الله وكل عصر له تكاليفه انت تعرف لو واحد جا عند رجل يخطب بنته او اخته وقال كم سعر هذه الانثى هل تعلم ما الاجابه؟؟؟؟؟
وهل تعرف لو واحد اخطا في كلام على حرمه ماذا يجري لقلب ابو جده وطوايفه لماذا انت فكرت ان الناس يحسبون الانثى مالها شان
لكن حقيقه تحديد هذه القبيله للمهر جرم ومبالغه
الذين يشاهدون الموضوع الآن: 2 (0 من الأعضاء و 2 زائر)
المفضلات