مهر البكر 8 آلاف ريال والثيب 6 آلاف في السعودية

[شموخ شمالية]

ياخي مادري ليه...


احس ان اي واحد له قرن...فاهم ورزين


الجازي له قرن,,



وشعف بالقرن


والهلال نادي القرن





سبحانه

يسلم لنا هالتفكـــير استاذي القدير

[شموخ شمالية]

^
^
^


خخخخخخخخخخخخخخخخخ




وجودك يبو غازي له نكهته بكل موضوع




--------------------------




والله خوش ما سوو




ألا ليتهم يطبقونه




لو بقرايانا مو شرط بالمدن







لاهنتي شموخ




----------------
أبو فهد الهمزاني

هلابك أخوي ابوفهد


القرى هم البلا ...هم اكثر مهر

الله يهدي الجميع ويزوّج العزّاب




مرورك اسعدني الله يديمك

[شموخ شمالية]

لا لا لا هذا ظلم
يقول لي واحد من تجار الحمام الجوز من النوع الفلاني بتسعه الاف ريال
بس ماعليكم اللجنه وشيخهم يبون يجددون والشؤن مايكفيهم

شكرا على الموضوع

هلابك اخوي الحيمري


صحيح المهر قليل ..بس ليت الناس يقللون بالحد المعقول
بعضهم يقللها بالمــّره والبعض يكسر ظهر الرجل بالمهر الغير معقول


الله يساعد الشباب ويزوجهم



أشكرك على الموضوع الله يحفظك

[شموخ شمالية]

يالربع انا غثوني


اللي يحسبون المرة لها قيمة!

فهذا يقول سعر العنز بكذا!

وهذا يقول سعر الجمل بكذا!

وينسون ان المراة مالها قيمة !

نعم المراة مالها قيمة نهائيا

نعم المراة مالها ثمن!

ولا حتى ريال واحد!

المراة انسان > احلف!



المراة فوق الفلوس

واثمن من اي ثمن

وما يقدم لها من مهر

ماهو الا شي رمزي

لزوم تجهيز نفسها ويوم الحفل

فالرجاء ابتعدوا عن تثمين المراة!

الجازي جهزي الرشاش!

فيه ناس تستحق الرش!

واولهم متيح!

أهلآ بعودتك استاذي القدير


وكلامك مخطوط بماء الذهب


حفظك الله ورعاك

[شموخ شمالية]

هذا ليس تخفيفاً في شيء

إنما ماتم هنا جريمة بحق المرأة




8 الاف ريال مهر للبنت

وحفلات زواجهم تصل إلى أكثر من 60 أو 70 الف ريال



من أراد التخفيف على الشاب فليبدأ بنفسه أولاً

وليتم إلغاء هالحفلات اللي ماأنزل الله بها من سلطان

أو عمل حفلة بسيطة لا تكلفه هالمبالغ






قم يتجهون لتحديد المهر بعد ذلك

وأعتقد أن مبلغ 40 أو 35 ألف ريال

ليس مبلغاً كبيراً يعيق من يريد الزواج

وليس مبلغاً مجحفاً للبنت لتتجهز للزواج








أما 8 الاف ريال

والله ظلموهن

أهلآ بك اخوي ابوخالد


وكلامك عين العقل ..الحين بعض الحفلات يسونها تفوق الخيال
كانت زواج او غيره


الله يعين بنات هالقبيله وان شاءالله تتوفّق الوحدة بأنسان غني يعوضها عن هالمهر القليل



أسعدني مرورك استاذي القدير

[شموخ شمالية]

بلقرن

حسيت بانتماء

الحين بالله ثمان آلاف وش تسوي !!؟

أربعة للآي فون وأربعة لاب توب ومستعمل بعد

وبعدها تقعد عالحصيرة

تحديد المهور غير مشروع <<< والله وصرتي تفتين

بصراحة أنا بناء على قصة عمر بن الخطاب رضي الله عنه لما كان يخطب عن المغالاة في المهور وينهاهم عنها ,, قامت وحدة من النساء وقالت له : ليس ذلك لك ياعمر ,, يعطينا الله وتحرمنا !!؟ أليس الله تعالى يقول : ﴿وَآتَيْتُمْ إِحْدَاهُنَّ قِنطَارًا فَلاَ تَأْخُذُواْ مِنْهُ شَيْئًا أَتَأْخُذُونَهُ بُهْتَاناً وَإِثْماً مُّبِيناً﴾

أطرق عمر وقال : أصابت امرأة وأخطأ عمر !!

معناها مو من حق أحد إنه يفرض حد معين للمهر ,, خصوصاً إن البنت هي اللي بتتجهز للزواج مو شيوخ القبيلة

إذا بيحددون لايحطون مخالفة تسد النفس ولا يبالغون في التحديد ,,ممكن يحطون مكافأة للي مايتجاوز الحد الفلاني ويخلون المكافأة سيارة بورش

عندنا في نجد متوسط المهور تقريباً خمسين ألف ويعتبر مناسب نوعاً ما بعيداً عن ترتيبات الحفلة

أذكر مرت علي قصة بصراحة ما أدري عن مصداقيتها بس مضمونها حلو

واحد تزوج وحدة وكان أبوها مثالي بزيادة فطلب مهرها ريال واحد وهو اللي تكفل بتجهيز بنته ,,

المهم هالزوج شكله ملكع ويمزح في الطالعة والنازلة بس عاد مزحه ماصخ

صار كل ما انفتحت سيرة أو شرب بيبسي قال لها تراني ماخذتس بقوطي بيبسي <<<< طبعا قبل مايزيد سعره ويصير بريال ونص

ومرات يناديها ببسية <<< والله دلع حلو

وأحياناً يقول بأربع ببسيات أتزوج أربع حريم

المهم البنت كانت تمشيها له مرة مرتين ثلاث بس ماش شكله وجه ابن فهره ولا ينفع معه الذوق ,,

استهبل عليها مرة وراحت لبيت أهلها قال أبوها ليه عسى ماشر قالت يايبه الله يهديك جنيت علي صار يعيرني بالبيبسي ويقول أخذتك بقيمة بيبسي !!

قال أبوها طيب يصير خير ,,

حاول الزوج يرجعها بس ماكانت ترد عليه ,, قام أبوها وعزم زوجها وأبوه وعمانه وأخوانه

يوم قلطهم على الغدا قال لأبو الولد : اسمع يابو فلان هذي ثلاث بباسي (( وفي رواية ببسيات )) بس خل ولدك يرجع بنتي

طبعا الأبو مايدري وش القصة بس الولد فهمها وطاح وجهه ,, يوم عرف أبوه السالفة ماقصر فيه وهزأ ولده لما قال بس

وجاء بعد كم يوم ومعه مية ألف ببسية قصدي ريال مهر للبنت وتعويض عن كرامتها المهدرة

ورجعت لزوجها معززة مكرمة

بس بصراحة أبوها خطير الله يخلي لنا أبّهاتنا <<< قلبت مصري

لذلك رجاء بلا تدخل في شؤون الصبايا ,, المهر حق للبنت مايجوز إنكم تحددونه عشان خاطر هالشنبات

اللي بتبالغ في مهرها لاتتزوجونها إذا ماتقدرون

واللي مهرها متوسط ما راح تعجزون عنه

وزبدة الهرج نيشان <<<<< وين الزبدة بالله

تم بحمد الله

أهلآ بعودتك الحلوة والخفيفه ع القلب والقريبه له


حضورك لمواضيعي شرف لي والله

الله يسعدك

[شموخ شمالية]

يعني الناقه اغلا مني<<ماتبي تقول عنز هههههههههههههههههههههههههههههه


قال اعرست قال ايه قال مهرك كم قال 8قال اجل ماعرست


يسلمو شمووووووخ

هلا بالغالية

انتي وافقي على عمور واطلبي المهر على كيفك

بس مانبي وحده تدرس افصلي وتفرغي لبيتك وعجوزك شموخ ابيك كل صبح تخبزين لي



مرورك اسعدني ياجدي

[أهداااب]

فرضت قبيلة ( شعف بلقرن ) شمال شرق منطقة عسير عقوبة صارمة لمخالفي نظام مهر القبيلة الذي تم تحديده للبكر بـ 8 آلاف ريال بكامل شروط العروس ومستلزماتها ، وللثيب 6 آلاف ريال ومنع جميع الحفلات
في قصور الأفراح وعدم التوسع في ليلة الزفاف بقدر المستطاع
وان تكون وجبة العشاء في ليلة الزفاف فقط وألا تتجاوز مراسيم الفرح
منتصف الليل ومن يخالف ذلك يتم تغريمه بمبلغ من المال
حسب رأي اللجنة التي شكلت لمتابعة المخالفات . وتقوم اللجنة من القبيلة بأخذ
( القسم بالله للعريس ليلة زفافه ، بأنه لم يزيد على المهر المتفق عليه ) سراً أو علناً . وعملت اتفاقية بذلك ومن يخالف تعزله القبيلة ، ولا تشاركه
في أي قضية تحدث عليه هو وأسرته مستقبلاً سواء في الأفراح أو الأتراح ..ويأتي ذلك تخفيفا على الشباب ومساعدة لهم وكذلك للحد من عنوسة الفتيات
وبهذه المناسبة أكدوا شيوخ وأعيان القبيلة ضرورة الالتزام بهذا الاتفاق البناء لأهميته الاجتماعية والاقتصادية .






الله يسعدهم ويوفقكم

و لو أنهم من قبايل الجنوب أنا أحتجّ ..


لأن الفكرة ممكن تتسرب لشيبانا ..




تكفون 8 آلاف وش ودها تسوي ..؟!


تجيب الذهب و لا فستان العرس و لا الجهاز و لا .. و لا الخ





إذا الرجال ما تعب في العرس و المهر ما يقدر هالزوجه ..



بكره يخطب عليها الثانية و الثالثة دام الشغله كلها 8 آلاف ..





طيب ليه بدل هالقوانين و التحاليف ما يكون بين شيوخ هالقبيلة و رجالها تعاون و مساعدة لكل راغب في الزواج ..؟!






صدقوني هالقرار في صالح الرجال - شباب و شيبان - من كل الجهات ..

[شموخ شمالية]

هلابك أختي الغاليه اهداب


وشكرآ ع المرور الحلو

والله انك صادقة الحين لاشافوا المهر قليل كل شهر يبي يعرس
الله يكفينا شرّهم




احترامي

[هند القاضي]

الحمد لله والشكر

قرارهم ناكس للمرح

شكراً مراسلتنا شموووخه