% الفزعه تروني وخذت %

**الشبث** · 31-05-2010 11:33

السلام عليكم يا اهل الطبي

تكفون افزعولي يا اخوان

صارلي يومين وبطني مهبلن بي

تقل سكاكين داخل بطني

مع اني واثق اني ما كليت المواعين

شربت زهورات

ووووشربت نعناع

وشربت زيت خروع

مابقى الا اشرب زيت فرامل

وبالله لا تقولون لي رح للمستشفى

لاني ديني ودين المستشفى

هلب مي يستر دي >> يعنني اعرف انقليزي

وتقلدوا تحيتي

**ابو ضاري** · 31-05-2010 11:36

سلامات ابو ماجد

طهور ان شاء الله

انا انصحك تروح لبو غازي

وهو يوصف لك علاج وانت مرتاح بيتك بس اهم شي لا يزعل عليك

**ابو فارس** · 31-05-2010 12:03

المشاركة الأصلية كتبت بواسطة الشبث

شربت زهورات

ووووشربت نعناع

وشربت زيت خروع

ماقصرت على روحك

يا اخي وش عرف معدتك على الزهورات
اكيد منخرعة اول مرة يجيها هالمشروب

خلك على منقوع البقل وانت تشوف العافية

طهور لا بأس

**سلطااان السويري** · 31-05-2010 12:38

اشرب ديتول ابو ماجد

**الشبث** · 31-05-2010 12:55

الحمد لله والشكر

الرجال موات وهذولا يستهبلون

وقردي وا قل واليي

مالله جابلي احدن يعرف بالطب

ابو ضاري

تبي تذبحن انت تبي توديني لابو غازي

ابو فارس

الا وش رايك بمنقوع الشماغ

سلطان

اطلع برا يا حيوان

جايك العلم ان بطني سيراميك

وتقلدوا تحيتي

**شرهه** · 31-05-2010 13:24

بحكم ان لي باااااااع طويل بها المجال

اللي هو الاعشاب والطب الشعبي

انصحك بشينن تسقينا اياه عمتي الصنوت يا من بطوننا اوجعتنا

لونه اخضرن يستصفر

بس قهررر نسيت اسمه

**عبدالرحمن** · 31-05-2010 13:32

يجماعة الرجال موات يعني مصبح امسي وانتم تضحكون!

وشربت زيت خروع

هذا بلا ابوك ياعقاب

!
اسمع انت بحاجة الى غسيل كامل وليس غسيل المعدة فحسب

!
نعم انت شربت زيت خروج منتهي الصلاحية لذلك يجب عليك الذهاب فورا
الى اقرب مشفى للقيام بهذا الغسل الكامل والشامل بالسرعة الممكنة

!
وقد تقول ماهو الغسل الكامل والشامل فنقول لك اسعل ابو فارس

!

ماتشوف شر ابو ماجد والله يبارك بالخروج اللي جابك

**الشبث** · 31-05-2010 13:50

الشهيب

عمتس كانت تسقيكم غسول شرابات ؟

ابو داااحم يالله حيوووه

توي اغليت بطني اللي جابك لي هههههههههههه >> اول كارهن بطنوه

افهم من كلامك يالذيب اني اروح اغسل بستم >> يبي يجيب العيد

وتقلدوا تحيتي

**ابو فارس** · 31-05-2010 14:24

ابو ماجدتراني ماكنت ودي ارجع
بس عبدالرحمن كأنه وجه الكلام لي

الغسيل هذا الله يكفيك شره
بصراحة فيه مراحل بالشرح ماتصلح للنشر

لذلك برسلها لك برسالة خاصة مع صورة ممنوعة
بس علشان تكون على بينه

انتظرني