الموضوع واضح من عنوانه ... لا يحتاج الى مقدمات ...
نخش في الموضوع دغري
صوره رقم واحد
اكا اليوم نهجت مع عمتي الصنوت يم معزاه ... يوم فتحنا عليهن
يمار يوم اقبل عليه اكا الصخل اللي ما طرا علي الا زول وحدتن معنا بهذا
و يركض يما صار تحت رجلينه .. قالت هلا يا معاليدزي و هي تدندز وتخمه
ليه هلون ؟ تبدي الصخل علي وانا يا بنت اخيّه ما عمره حتى قالتلي الكلمة الحلوه
قلت له عمتي وانا ليه ما تخميني ... قالت ليه صخل انتي عشان اخمتس
وهو يذبحن الضحك عجزت ارد ..
قالت اقول انزلعي وراتس بساع نبي نمشي بساع حطي لهن علف ..
وانا اروح مطأطأتن راسي ... يا لحكمة عمتي جعلتني اشعر بأني ساذجه
صوره 2
واكا اليوم نهجت مع ابوي و انفقع بنا الكفر يمار ما معوه الا انا وامي
وابوي شايب ما بوه حيل
وكنا بتال الليل
قسم بالله بعذر هالجذعان لو ما يدانون خووة الحريم لا صار لك شين تورطت بهن
لدوني يا جماعه عشان ما انحرف بكم عن الموضوع
االمهم وهو يجينا هكا اللحية الغانمه هكا الولاد اللي مانا حلوه ومانا زين زوله
باينن زول القرم ... والله وهو يقول بالسياره و يسنعنا بساع ويركب الكفره
يوم خلص وهو ياخذ ابوي معوه مقابله ..
قال تعش عندنا كود اعزمك .. ومدري وشو
قال لا والله مابي الا دعواتك ياعمي
و يدعي لوه ابوي و هو يمشي
وهو يركب ابوي بالسياره قلت يبه قال وحطبه وش تبين
قلت هو سوا لنا معروف كبير .. و انت ما عندك اغلا مني قله جتك بنتي
تدرون وش قال
قال تعقبين
هههههههههه
هههههههههههه
هههههههههههه
عزمته عى ذبيحه وعيا >>معناتووه ان الذبيحه اغلى مني
اه وااااتسبدي
صورة 3
هكا اليوم امي قاعده لحاله.. وانا اطبّدز عليه
قلت يماااااااه
قالت اسمناااه خرعتيني وش تبين
قلت يماه صح انا مزيونه ..
قالت لا يا وليدي منهو اللي لاعبن عليتس
لا والله مخطين تسبدتس الزين مالله حاليتس ولا الله قابلتس
وانا اتحطم .. واروح اركض للغرفه و اثغي بصوت واطي
هماهم يقولون ان القرد بعيون امه غزال
اووويلي وانا حتى ميمتي ... تطعن بزيني
انا خلاص ابروح ابنتحر
لحد يحلف علي ... مستحيل اهون
صمله خلاص و ما بذني مااااااااي على قولت اخواننا الصوماليين
ما يستفاد من الصور اعلاه ...
1\ بيان حكمة وصبر وعزيمة الشهبا
2\ قدرة الله وعظمته في الخلق
3\ عندما يطري على بالك ترد عزيزي العضو يجب مراعاة الترفيع بكاتب الموضوع
و الا لاتشوفك عيني بهذا
نكتفي بهذا القدر من الفوائد لاننا لو اردنا ان نحصي جميع الفوائد التي في النص اعلاه لاحتجنا الى كتب ومجلدات ..
وشكرا
رد مع اقتباس
المشاركة الأصلية كتبت بواسطة الشهبا
المفضلات