شيلي أغراضك .. وروحي !!
ياحبيبـي لايهـمـك إستـمـر بهالعـنـاد
خلك أقوى من كذا خلك علـى خبـري عنيـد
عن برودك لاتغيب .. زيدنـي هجـر وبعـاد
زيدني فرقى وفارق ... خلك أبعد مـن بعيـد
خلك أقسى عباد ربي ... إضطهد كل العبـاد
كل ظلمك .. كل جورك .. سخره ضد العبيـد
ودي أعرف ليـه تعذيبـي أشوفـه بإزديـاد
كنت أزودك من حناني وأنت بأحزانـي تزيـد
أمنيـه لـو ليلـه وحـده أتهنـى بالرقـاد
وأنت نايم في منامك عايش الحلـم السعيـد
كنت أولع لك ظلوعي لين مـا أصبـح رمـاد
كنت أكتب من دموعي لجل يرضيك القصيـد
كنت أبدي لك خضوعي وأبدي لك كل الـوداد
كنت أخشى من رجوعي قبـل أنفـذ ماتريـد
بشتكي همي على الله يفـرج همـوم شـداد
وإنتي أجبرتيني أصبح هـذه الليلـه شديـد
شيلي أغراضك وروحي ... ماأبي جروحٍ جداد
إطلعي من عندي فـوراً قبـل أتكلـم وأزيـد
لايطول الهرج وأنتي بتفهميهـا وإلا عـاد !!
أتخـذ إجرائـي الــلازم ولا ودي أعـيـد
هذه تجربتي معاك .. وهذا معنى الإضطهـاد
إني أرضى في وجودك وانتي الحـزن الأكيـد
وفوق هذا أوعـدك يابنـت ماألبـس سـواد
نيتي من لون قلبي ..بيضا والأبيـض يسيـد
الحكايه شنطتيـنٍ .. وبنـت مافيهـا رشـاد
وش يزعلّني عليهـا والله إن فرقاهـا عيـد
وإلا أنا أدري بـأن فرقاهـا رحمـه للعبـاد
الدرايش عقبها ترقص مـع أبـواب الحديـد
وائل بن حسن البلوي
رد مع اقتباس
المشاركة الأصلية كتبت بواسطة ابو عارف
المفضلات