السلام عليكم ورحمة الله وبركاته
اول شي كيف حالكم انشالله طيبين ؟
ووالله اني صادق امام ربي اني ما جابني لكم غير الشوق والمودة
واتمنى انها ما تتكرر وهالمرة ما راح ترتاحون مني وراكم وراكم
بس جبت لكم معاي قصيده وانشالله انها تغفر لي عندكم
وانشالله انها تعجبكم وتحوز على رضاكم
هاضت مشاعر داخلي حيل بأشواق=والعين دايم تسالن عن خليله
انا اشهد اني صرت في شوق وفراق=فرقى سندي ياخوي صارت طويله
خالد انا ياخوك لي قلب يشتاق=يفقد علومك يابعدي كل ليله
ينشد فـ بعدك لين كل الصدر ضاق=يشكي غيابك والعذر يرتكي له
همّه لقاك ووصلك اليوم له عاق=وانا انتظر وصلت بأيّت وسيله
شفني رماد اليوم من جمر حراق=نوري طفى عقبك وياعزتي له
حالي حطام وقربك اللي له رواق=يسند ظهر محني ويشفي غليله
ياللي على مجد الوفا لك ميثاق= نومس قلوب ٍ تشتفي بك عليله
حاولت الم لم مدحي في بيض الاوراق=عيّت تجاريني وهي بك دخيله
ودّه بمدح ٍ يوفي الحق بأشراق=ما حصلت قدرك بكل الفضيله
ترى البعد ياخوك ما عاد ينطاق=ارحم خفوق اللي فـ بعدك نثيله
ابي اعتذر كاني على الحق منعاق=لك العذر تركع بأرضك ذليله
وسلامتكم
هذه القصيده لـ
عبدالكريم العبهولي اللي هو عبدالكريم فيصل الشمري
واعتذر على عدم التنسيق لانه مو طالع عندي
رد مع اقتباس
المفضلات