((الــعــنــود))
العنود اللي شكت بعض الحبايب***
***ليتها ياليتهـا غضـت نظرهـا
النشايب ماتجيـب الا النشايـب***
***والصدور تضيق من زايد كدرهـا
البسيطه تنتظر وبـل السحايـب***
***والمنابت بشرت ميـت شجرهـا
ان تعدت للوجه تبـرك ركايـب***
***وان تمادت بالغلط بيّن خطرهـا
ياعزيزه ياذليله مـن مصايـب***
***بينت معنى الكرامه في خبرهـا
علموهـا للوجاهـه والطلايـب***
***واتركوها تختلس شيمة قدرهـا
لوعوها واجهدوهـا بالكذايـب***
***ماعطوها فرصته تضرب وعرها
ياهل المعروف ظلم الوقت شايب***
***والخطايا والمثايل مـن بشرهـا
ماورى صدر السفيه الا الهبايب***
***ولاورى صدر الحكيم الا دررهـا
الضلوع اليا كضمت تخفي لهايب***
***والدموع اليا ذرفت يصعب قهرهـا
اعذروها لاجفت كـل القرايـب***
***واذكروها لاعبرتو مـن بحرهـا
والعنود اللي نست كل الحبايـب***
***ليتهـا ياليتهـا دارت ظهـرهـا
نهيّر النمش
رد مع اقتباس
المشاركة الأصلية كتبت بواسطة طلال
المفضلات