لحوم مشوية على الطريقة الجازية :)
من زمان وأنا ودي أشارك في المطبخ بس من خوفي لايشب هالقسم وأتسبب بحريقة في المضايف ترددت وكل مرة أقول بعدين ,,
لما أضمن ناين ون ون يوصلون في الوقت المناسب
بس دام فيه دعم فني إن شاء الله مايقصرون
عاد بما إني بطبخ قلت لازم أخربها وأشوي لكم <<< شابه شابه الله لايعوق بشر
شوي على طريقة الجازي لطعم مايعتازي
نبدأ بالمقادير :
لحم خروف نجدي
اختاروا الجزء اللي يعجبكم في الشوي سواء كان :
فخذ
كتف
ضلوع أو أضلاع (( جمع ضلع وهو الموجود في القفص الصدري للذبيحة وليس الضلع بمعنى الجبل إلا تسانكم مشتهين تشوون جبل عاد كلٍ ورغبته))
صورة جانبية للجنب
في البداية قومي عزيزتي الطاهية بتسديد بعض الطعنات المتفرقة على الكتف أو الفخذ أما الضلوع ماهقيت إنها تتحمل
يفضل تكون حالتك النفسية متوترة عشان تكون الطعنات قوية وفي الصميم
بعدين صبي عليها زيت الزيتون بحيث يدخل في فتحات الطعنات ,,
تبلي اللحمة بالفلفل الأبيض أو الأسود (( بدون أي عنصرية
بعدين ,, حطيها في صينية وقصدريها ودخليها الفرن ويفضل يكون على درجة حرارة عالية وكل نصف ساعة اقلبيها على الجنب اللي يريحها
إذا حسيتي إنها استوت شيلي القصدير وخليها تتحمر وتتقمر على خفيف
وقدميها مع خضار مشوية بزيت الزيتون والفلفل الأبيض (( كوسة , باذنجان , طماط , فلفل رومي ))
واستمتعي بالطعم اللذيذ والشواء الشهي <<<<< والله ياهي طعمه بعد
وصحتين وألف هناء على قلوبكم
رد مع اقتباس
المشاركة الأصلية كتبت بواسطة هلآ الآسلميهـ
المفضلات