وش رايكم وش اسوي به

[ليلى بنت عبدالعزيز]

السلام عليكم والرحمه

مساء الخيرات

ابي شوركم يالزقرت و الزقرتات

عندي تلفزيون
sony tv stand
su-er43

شاشته بدت تسود بتدريج الا ماعاد فيه الا صوت فقط

كنه بنت عانس يضيق صدري كلما شفته ومابيدي حيله

كلمت الوكاله قالوا بيكلف 3000 الاف وفوق

وكلمت مهندس حضرمي قال ارميه ماله طب واذا مضيق عليك اجي اشيله بــ 200 ريال

وهاذي فرته

وطاولته

ابي رايكم

[ابو فارس]

حياك ام محمد

الاسبوع الماضي نزلت هايبر بنده عرض مغري جدا

شاشة بلازما
ماركة kmc
42بوصة
بـ (1599)
مع ان قيمتها بالجملة ماتنزل عن 1900

اقترح عليك تترقبين العروض في الفترة هذه
لان كاس العالم يدفع الشركات لتنزيل عروض كبيرة

واذا حصلت خبرينا نشتري معك

اما هذه اللي عندك
ما اظن بها طب -- اقرب حراج
دمت بخير

[ليلى بنت عبدالعزيز]

ابو فارس هالتلفزيون الي تشوف بــ 7800 ريال

سوني اصلي مو تجميع

تدري كلمت الجمعيه الخيريه قالوا ماناخذ تلفزيونات



تم يابو فارس

خلاص الوعد هالخميس ابروح اجيب لي واحد

[ابو فارس]

اي خميس الله يرحم امِ جابتك


اقول لك عرض عرض وانتهى
اعلنوا عنه بالجريدة خلال ثلاث ايام

وانتهى في 4\6

انت شكلك من تقاعدت ماعاد تقرأين جرايد
من بكرى قولي لموزع الجرايد اللي يلف الحارات بسيكله يقط لك نسخة
وعطينا خبر

دمت بخير

[ليلى بنت عبدالعزيز]

انت جني يا ابو فارس... اعترف ؟؟
اليوم اول يوم لنا في اشتراك الجريده

اما التقاعد خربط برنامجي اليومي صرت مشغوله اكثر

راح اعطيك خبر باذن الله

[ابو فارس]

ماهي مسالة اعمال كثيرة
هي مسالة ترتيب وقت

لما كنت بالعمل كان وقتك قليل
فكنت تحرصين على ترتيب اولوياتك
الان لديك فراغ فاصبح عندك فرصة لتأخير بعض اعمالك
لذلك تراكمت عليك الاعمال وازدحمت


----------------
الوقت من ذهب لازوردي
انتبهي

دمت بخير

[الجازي]

أم حمادة ماعليك من أبو فارس

شوفي ياعسل أنا من فترة مريت على اكسترا وكان عندهم عرض على شاشة سوني أو سامسونج نسيت بس سبب العرض إنها آخر قطعة

وكان سعرها حلو مرة

عشان كذا دوري في هالمحلات لأنهم يسوون مثل هالعروض (( آخر حبة للي تحبه ))

وأنصحك بـ (( بيست )) لأنه الحين صاير مكتسح السوق وفاتح فروع كثيرة من بعد مااستلمه رجل الأعمال الاماراتي الفطيم <<< وش رايتس بمعلوماتي بس

لاتستعجلين وإذا ناوية ترخين يدك في السعر فأنا أنصحك بسامسونج ال اي دي أو ال سي دي المجموعة السابعة أو الثامنة لأن المجموعات الجديدة صار فيها تعديلات كبيرة وحلوة خلتها تتميز عن شاشات البلازما

وبالتوفيق يالغلا

[ليلى بنت عبدالعزيز]

انا فصلت من هنا والشغاله طارت من هنا
وعندي ضيوف لهم سته اشهر في البيت

وامور استجدت كثيررررررر

اذا عندك سلف وقت لاتبخل علي

[ليلى بنت عبدالعزيز]

هلا بالجازي يالله تحييها

تسلمين على المعلومات

وش رايك نتخاوى نفر فرفره بين هالمحلات

[الجازي]

والله فكرة مش بطالة

بس لازم نستفتح الجولة بمقهى ونختمها بمقهى <<<< وش بقى من الوقت

أم حماده من جد

حددي مواصفاتك اللي تبينها بالجهاز وأبشري بسعدتس