امر على الديار ديار خلفتن * ** ارنع ذا الجدار وذا الجدار
السلاااام عليكم كلووووو نفر
علومكم حلفت لاحد يقوم من مكانه سلااام نظر
الا يوسف نبي نترانع انا وهو بالخشوم<< هو جمع خشم خشوم
وشحالكم سلمت لاهنت اندمت<<<< لايكثر
الزبده يالربع نعتذر عن اكمال الجزء الثاني من مسلسل وغميضت شبابك ياسلطان <<< ماشالله صار مسلسل
وذالك لدواعي امنيه <<< ذالن تنفرم علمته
الزبده موضوعي لهذا اليوم عن آدميه اسمه خلفه
وهذا المخلوق البشري له حب كثر ذرات عج الحفر <<< احس انه تعبير بليغ
(خلفه اين ذهبتي يادبشيت قلبي) << اوخص يالولد
وينتس ياخلفه............
وينتس ياخلفه ..........
طول غيابتس وينتس يابعد حيي
سوف اروي لكم قصه معشوقتي خلفه الله يذكره بالخير تسانه حيه
والله يرحمه تسانه ميته( به مرض فقر دم )
فااااصل
هذا الموضوع برعايه مجمع العلاوي برفحا كل ماتحتاجه تحت صندقتن واحده
عدناااااا
ادري تنشدون ليه الراعي الرسمي للموضوع مجمع العلاوي
لان احداث هذه القصه حدثت برفحااا (ام القواطي) << ناوي شر
كان فيه عرس برفحا والعالم مجتمعه وكنت وقته في مراحل الوغدنه
يعني توي مادرست
وكنت مسنتر عند الرجال وثقل << صاكن الكوبرى شماغ بدون عقال
ويجيني واحد من عيال عمي قال مشينا لخيمت الحريم فلت حجاج
قلت ياخي عيب ماله داعي <<<< الولد اخلاق
قال تبي تروح ولا اكب هالكاسه عليك << ماعنده تفاهم
قلت مشينا
والله وحنا نسنتر بخيمت الحريم
وانا اشوف معشوقتي خلفه ترقص وانا اطالعله واتبوسم << يردح بمحله
شوي الا تركت الرقص وجت يمي تمشي مليون
وهي تجيني ام الركب
معقوله خلفه فكت معي ومع هالتنسيفه << دخل بغيبوبه
ماحسيت الا انا على فرتي والتنسيفه خربانه
اثريه عطتن جمع (بقس )
والله وتجيني الحيونه والحقه واعركبله وتطيح واسوي حركت ستيف اوستن عليه << متاثر بالمصارعه واقمز فوق واحط كوعي بطنه واسمع صوت اععععععع
وبعده انقطع الصوت <<< من صيد امس فطست
وتقوم تصيح امه يويلي ذبح بنتي وتضيق بي الوسيعه مدري وين انحاش
وتسحتن ام البنت وانا اعض اشماغي ومن تحت رواق الخيمه << ضيع الباب
صراحه حسيت بتأنيب الضمير <<< حس ان ضميره صحى ودهه يترفس ببطنه
ثاني يوم رحت لخيمت الحريم وابي اتطمن عن معشوقتي خلفه
الا الحمد لله مابه الا العافيه وكانت الفطسه بتاثير المرض
وفجأه وانا بالخيمه
..
..
وتطيح عيني بعينه
وانا اقول هكالقصيده
انا دخيل العيون السـود*** وسيوف رمشك وسلهامه
لاتذبحن ياقليـل الفـود*** عمري معك باول ايامه
^
ياملا الصحيح
الزيده يوم طاحت عيني بعينه وانا اغمزله << مايتوب
وهي تقوم تبوسم
طلعت خبيله ماله قلب نست فطست امس
شوي وتطالعلي وتقوم ترقص وانا بطرف الخيمه اصفقله
حسيت انه تقول هالرقصه اهداء لك <<<<قم اطلع برى
وبعده صرت انا وخلفه سمنه على عسل
الزبده وبعد مانتهت مراسم العرس دقيت على خلفه بيجر وعلمته اني ابي اسافر
وقامت تبتسي وسمعتن اغنيت لاتسافر قبل لااشوفك لو دقايق قبل الوداعي<< ياملا الصحيح
وتوته توته خلصت الحتوته
منكم واليكم
والسلام عليكم
رد مع اقتباس
المفضلات