علاج المعدة

[الحنشل]

بالخير


يا الربع صار لي حول السنتين و معدتي لاعبة فيني لعب


و خصوصاً المكان هذا << يغط لهم على رأس المعدة


نوبات الليل ما أنامه من الوجع .. و أقوم أتطوى بالفراش تقل حيّة


و ما خليت مستشفى بالسعودية ما راجعته (حكومي و خاص)


و المشكلة كلن يعطيك قووول .. اللي يقول قرحة و اللي يقول قولون و اللي يقول افرازات عادية


لكن إنهم متفقين على شي واحد .. أطلع من عندهم مليان علاجات



و آخر دكتور جيته بحائل بمستوصف الراشد .. قال يا إبني علاجك بإيدك!!!




وشلون يا دكتور ؟!!!



قال أترك أربع أشياء و تطيب بدون أدوية و لا شي



وشن يا دكتور ؟!!!


قال أترك (الدخان , الدسم , القهوة , الشاي) و علمك بالشر << تروه قاله صدز


قلت ثلاث مقدور عليهن .. بس الدخان آسف مقدر عطن علاج بدون ما أترك الدخان


قال روح يا إبني ما ينفعش .. و إنت حر




المهم .. رجعت لرفحاء


و أجي عند أمي قلت يمه السالفه كذا و كذا و كذا


قالت و لا يهمك يا جنيني .. اليوم راح ينعقد المجلس عند أم صالح و راح أطرح موضوعك عليهن


يوم جاء المغرب .. الا أمي جايه و جايبه معه صرتين


قالت حنشووول رح للبقالة وجب لنا عسل .. و أروح أجيب له العسل



المهم


وهي لك تسوي خلطة و تعطيني منّه شيشة


قالت هذي ياوليدي تاكل منّه قبل لا تنام ملعقة على طلوق الريدز ملعقه


ثلاث أيام و علمك بالشر .. و إن تركت القهوة و خففت من الدخان أحسن و أحسن



قلت زين وشي الوصفه أبي أعطيه الربع بالمنتدى



قالت سجل عندك



1ـ أرطى 2ـ قشر رمان (دباغ) 3ـ عسل

تطحن الأرطى و قشر الرمان و تخلطهن مع العسل

و تاخذ من الخليط ملعقة قبل النوم و ملعقة قبل تفك الريق

و لمدة ثلاث أيام





/

/


صلفيق .. أدري خذيت بكم مشواااار أنا و موضوعي


بس عاد مبطي ما جيتكم و متشفق أكتب عندكم

[سلام]

حنشووووووول ..



اسمحي لي وانا اختك امك ماتحبك ...؟؟






لو تحبك ماسووت لك خلطة كان قاالت اترك الدخاااااااان ..




والله ياخيي .. الدخاان هو اول مسبب للحرقة وجع المعدة والقلب وكل شي ..





لكن الله يهديك غصب ..




وماتشوووووووف شر ..




مودتي

[ابو ضاري]

يابعد معاليدز تسبدي انت

دائما تحب الخير لاخوانك

[الحنشل]

سلام


هذي مابه شك ......................... أصلاً ما طيحن بالدخان الا أمي






لك كل الإحترام .... تبين زقارة

[الحنشل]

ابو ضاري

يا لك بالقلب غلا ..... ما يعلم به غير ربي




الا وين رسالة الجمعة !!!!


اليوم تأخرت

[شرهه]

ياخي مدزديتن بك والله يلوم اللي يلومه

لو يجيني ولد زيك ابوئده >>او مهي هلون الكلمه




قواك الله يالحنشل وجزاك خير

[الحنشل]

ههههههههه


شرهه


عاد تدرين إنه تقول ماهي ساعة حلوه اللي حملت بك



المشكله أدغه من الفلوووس و لا هو مبين بعينه



شكلي أبي أقطع عنه المصروف كم يوم .... من شان تحس بقيمتي

[بالمختصر..]

هالعلاجات اللي ماله سنع !


العسل أحسن شي , و خصوصاً لـ المعده ..

قال الرسول صلى الله عليه و سلم : ( عليكم بالشفاءين : العسل و القرآن ) رواه ابن ماجه ..

و من تجربه .. والله ما ريحـــــن من القولون إلا العسل , مو تستخدمه فتره و تتركه , أستمر عليه لو ع الأقل مره بـ الأسبوع ,

تآخذ ملعقه قبل ساعه , قبل كل وجبه من الوجبات الثلاث ..




.
.

[الحنشل]

^
^

ياليل أم الخواجات


حديث الرسول على عيني و راسي



يا خاله حنّا وشقلنا ... راجعي الوصفه تلقين العسل موجود



و بعدين النبي عليه الصلاة و السلام يقول (في الحبة السوداء شفاء لكل داء إلا السام ) البخاري


هل يعني هذا إننا نترك كل شي و نعالج كل الأمراض بالحبة السوداء ؟!!

[بالمختصر..]

^
^

ياليل أم الخواجات


حديث الرسول على عيني و راسي



يا خاله حنّا وشقلنا ... راجعي الوصفه تلقين العسل موجود



و بعدين النبي عليه الصلاة و السلام يقول (في الحبة السوداء شفاء لكل داء إلا السام ) البخاري


هل يعني هذا إننا نترك كل شي و نعالج كل الأمراض بالحبة السوداء ؟!!

لا مو كذا القصد ..

بس إنت موضوعك عن علاج المعده , و قلت لك العسل ..

و ليه يعني إذا تركت كل شيء و تعالجت بـ القرآن و العسل و الحبه السوداء غلط

انت بـ كيفك تآخذ العلاج اللي يعجبك , ابــد محد جابرك ..


صحيح الخلطه به عسل , بس معه أرطى و قشر رمان و يعني يمكن ما تناسب كل الناس ..




.
.